Primeiro ciclo en Quintela

Contamos contos!

2012-01-27T18:31:00.000+01:00

Os nenos e nenas de primeiro xa sabemos ler. Por iso a partir de agora, o día que temos biblioteca, en vez de contarnos un conto a profe, o contamos nós. Esta semana tocoulle a Alba, que ademais estaba de aniversario. Xa ten sete anos!
Contounos o conto de "Os bolechas van a biblioteca", e estivemos moi, moi atentos.:

Porque nos gusta o mar..

2012-01-18T20:44:00.001+01:00

Na clase de Primeiro seguen esconllendo o mellor conto do mes, e a mellor poesía do mes. Esta vez votaron por un conto de "Saber máis" porque ...eles o explican

A Paz

2012-01-17T19:36:00.000+01:00

Acércase o día da Paz. Imos a aprender algunhas cousas xogando:

Lecturas para @s de segundo

2012-01-12T19:48:00.000+01:00

Abrigámonos en inverno

2012-01-12T19:41:00.000+01:00

Mais Exipto

2012-01-12T16:53:00.002+01:00

Queremos saber... cousas de Exipto

2012-01-12T16:50:00.000+01:00

Na clase de primeiro temos moita curiosidade polo Antiguo Exipto. Entrando na imaxe, podemos aprender máis:

Observamos un cadro

2012-01-11T10:19:00.002+01:00

Este cadro é dun pintor chamado Briton Riviere. Chámase "Afinidade" Esta palabra quere dicir semellanza, parecido, igualdade nos gustos e nas opinións de dúas persoas.
Observadeo ben:

Que vos parece?
Onde están sentados?
Porqué estarán aí?
Que sinten?

Fai unha foto cos Reis Magos

2011-12-28T12:11:00.000+01:00

Queres facer unha foto cos Reis Magos? Solo tes que escoller o lugar, e responder as preguntas...

Visto en Casa de tol@s

Felicitación navideña da clase de primeiro

2011-12-20T21:29:00.000+01:00

Os de primeiro vos desexan

View more presentations from bibliotecadocole.

BUGUINAS

2011-12-14T19:38:00.000+01:00

Camiño de escuma, xardín de coral, murallas de area, brillante ventás, BUGUINAS os timbres...

¿Quen quere chamar ? ( Ana M. Fernández ).

Escoitade ás buguinas. Teñen moitas cousas que contarvos.........

A poesía do mes de Novembro

2011-12-03T10:58:00.001+01:00

Este mes na clase de primeiro escollemos a nosa poesía favorita. : "O rato e a lúa" de Antonio García Teijeiro.
O poema aprenderonno na casa, coas súas familias. Xa sabedes que os poemas en familia soan mellor. Aqui tedes o recado para as familias.
A vindeira semana iremos recitalo a outras clases.

UN RATO DÍXOLLE Á LÚA:

-“NUNCA REPARAS EN MIN,

POR ISO VIVO NA RÚA

METIDO NUN CALCETÍN.”

ELA FITOUNO ABRAIADA.

DÉRONLLE GANAS DE RIR.

DAQUELA APAGOU A LÁMPADA

E DISPÚXOSE A DURMIR.

POLO DESPREZO DA LÚA

O RATIÑO, ALPORIZADO,

BERROULLE CON MOITA FORZA:

-“XANON ESTOU NAMORADO!”

“Lueiro de papel”. Antonio García Teijeiro.”

O libro do mes de Novembro

2011-12-03T10:52:00.001+01:00

Os nenos e nenas de primeiro escolleron o libro do mes de Novembro.
Elixen entre os libros que lles len as profesoras.
Nesta ocasión, a elección foi moi reñida.
Os finalistas foron "Sacapenas" e "Crictor".
o Sacapenas deunos pé para debuxar moitos Sacapenas, e mesmo facer algún. Ademais, foron contándolles as súas preocupacións, que son moitas.
Pero saiu gañador "Crictor" de Tomi Ungerer, editado por Kalandraka. A historia da serpe resultoulles moi atractiva, pero aprender a pronunciar en francés "Madame Louise Bodot" foi todo un reto. Mesmo todos aprendemos a decir "Madame" e "Monsieur" con un fabuloso acento francés.

OUTONO

2011-11-21T18:41:00.000+01:00

Nestes dias dimos un paseo por Rialdarca.Vimos as hortas e os campos vestidos de outono, visitamos o lavadeiro e o muiño e de paso recollimos follas para adornar as nosas aulas.

Día de acción de grazas con Eric

2011-11-21T16:59:00.000+01:00

Eric ( o noso auxiliar de conversa) explicounos que o cuarto xoves de novembro celébrase o Día de Acción de Grazas no seu país, Estados Unidos.

Díxonosque hai moito tempo, cando os europeos chegaron a América (colonos), erainverno e pasaron moita fame. Entón os indios Wampanoag, lles proporcionaron alimentos como pavo, millo, e pombiñas de millo.

Cando os colonos tiveron asúa primeira colleita, decidiron compartir os seus alimentos cos indios, paraagradecerlles a sua axuda.

O día de Accion de Grazas (Thanksgiving) e para lembrar esa data. Xuntase a familia e os amigos, e comen pavo.

Despoisensinounos a facer un pavo coa silueta da man, e xuntos aprendemos a decir "Feliz Día de Acción de Grazas" "pavo" e outras palabras.

O MAGOSTO

2011-11-12T20:27:00.004+01:00

O mes de novembro é o mes de S. Martiño e coma todos os anos "Polo S. Martiño, trompos ó camiño" e magosto no cole:

Debuxando con castañas

View more presentations from bibliotecadocole

Samain

2011-11-10T18:02:00.000+01:00

As cabazas están moi contentas porque poden disfrazarse, visitar o colexio de Quintela e dende os corredores ver como os nenos e as nenas admiran os seus traxes e peiteados.Despois cando voltan as súas casas alumean pola noite e despídense ata o ano que ven....

A castaña que rebentou de risa

2011-11-09T19:06:00.000+01:00

Chegou o outono

2011-11-08T21:26:00.001+01:00

outono

View more presentations or Upload your own.

O conto do mes, a poesía do mes

2011-11-03T22:38:00.000+01:00

Os nenos e nenas de 1º de Primaria escolleron a mellor poesía do mes de outubro, e o mellor conto do mes.
Para elixir o conto, fixemos unha votación.

O samaín

2011-10-31T22:07:00.000+01:00

Xogo sobre o outono

2011-10-30T21:22:00.000+01:00

Metidos de cheo no outono, desde o CEIP Frián de Teis chéganos este xogo LIM:

RADIOGRAFIAS

2011-10-29T16:41:00.000+02:00

Que ben vemos os ósos coas radiografías ! .Como en 2º curso estamos aprendendo os nomes dos ósos

descubrimos que con esta técnica podemos ver todo o noso corpo como si estivera fotografiado por dentro.

Aquí nos vedes na clase de anatomía.

Xogo de Samaín

2011-10-29T11:46:00.001+02:00

No CEIP A Pedra de Bueu fixeron este xogo do Samaín. A que é chulo? Entrade nel para xogar

No blog do noso cole están as fotos das cabazas que fixestes.

que é o Samaín?

2011-10-28T19:36:00.000+02:00

Samaín

View more presentations from bibliotecadocole

Canta con Mamá Cabra

2011-10-24T18:58:00.001+02:00

Era noite de trebón

nun vello e mouro castelo,

a auga caía a chuzos

e os lóstregos a miles.

Oes dentro un barullo

de alaridos e lamentos,

era noite de trebón

nun vello e mouro castelo.

Bule, bule, bule, bule,

bailan, bailan os espectros,

bailan, bailan esqueletes,

sapos, monstros e morcegos.

Bailan, bailan as pantasmas,

monstros, bruxas e curuxas.

Bule, bule que aínda é cedo

e hoxe toca pasar medo.

Bule, bule, bule, bule,

bailan, bailan os espectros,

bailan, bailan esqueletes,

sapos, monstros e morcegos.

Bailan, bailan as pantasmas,

monstros, bruxas e curuxas.

Bule, bule que aínda é cedo

e hoxe toca pasar medo

2011-10-24T18:51:00.001+02:00

Como estamos no Samaín, mirade o conto de "Corre corre Cabaciña"

Un lío de dedos!

2011-10-17T11:45:00.000+02:00

Hoxe, na clase de informática, practicamos a colocación das mans no teclado do ordenador. Menudo lío que nos fixemos! Colocabamos as mans nas letras que a profe pedía, pero cando nos despistabamos, todos os dedos movíanse de lugar.

Aprendemos a escribir ASDF e ÑLKJ cos dedos correspondentes. Despois, fixemos un xogo online que nos pedía aplicar o aprendido.

Pasámolo moi ben!

Atando os amallós

2011-10-12T19:48:00.000+02:00

Hoxe Juan fíxonos unha demostración do ben que sabe atar os amallós:

Reciclamos

2011-10-10T19:46:00.002+02:00

Os nenos e nenas de primeiro temos uns manteis para merendar moi especiais: Son xornais vellos. Deste xeito reciclamos, mentras merendamos!!!
E algún ata aproveita para ler a tira cómica.

Humm! Que rico está todo!

Na clase de Informática

2011-10-10T19:31:00.002+02:00

O primeiro día na clase de Informática aprendemos a entrar no blog do primeiro ciclo. Despois xogamos con un xogo que nos gusta moito, dunha pantasma.

O outono

2011-10-02T18:45:00.001+02:00

Un xogo de outono para os nenos e nenas de 1º e 2º de Primaria:

Aprendemos máis cousas do noso corpo

2011-09-30T18:39:00.000+02:00

Entra no debuxo, e pon o cursor enriba dos puntos para aprender os nomes.

Seguimos aprendendo cousas do noso corpo:

O noso corpo

2011-09-30T18:30:00.000+02:00

Para os nenos e nenas de 1º que estamos aprendendo cousas do corpo, mirade que xogo:

Visto no CEIP Manuel Fraga

Estamos no andar superior!

2011-09-26T16:23:00.005+02:00

Este curso, os nenos e nenas de 2º xa somos maiores. Estamos no andar superior do colexio!!!!!! Desde a nosa aula, queremos dar un saúdo a todos os nosos compañeiros e compañeiras.

BO INICIO DE CURSO!

Estamos en primeiro!

2011-09-21T14:35:00.000+02:00

Ola a todos e todas:Somos os nenos e nenas de 1º de Primaria.Na clase somos 15 .Estos días estamos moi ocupados facendo carteis, e aprendendo cousas novas. O primeiro día estabamos moi nerviosos, e tiñamos moita fame. As 10 xa queríamos merendar! Queredes ver unhas fotos?

CAMPIONS

2011-07-01T17:34:00.000+02:00

Xoel, David e Aaron gañaron o campionato de fubito.Están moi ledos coas suas copas.Noraboa!!!

LOIS PEREIRO ROKEIRO !

2011-07-01T17:25:00.000+02:00

Lois Pereiro, o seu irmán e outros músicos crearon o grupo Radio Océano.Os nenos e nenas de 1º cantaron o dia do festival das letras galegas " O rock da miña rúa " eles e elas tamén son rokeiros.....

Xulia Minguillón

2011-05-25T17:28:00.002+02:00

Fixemos debuxos dos cadros desta pintora para regalarllos ós nenos e nenas do cole de Brea-Segade de Taragoña

Estrelas Espantapesadelos

2011-05-25T17:15:00.002+02:00

Como xa sabemos ler moi ben estamos lendo entre todos un libro que se chama: Lecturas para dormir a un rei. O protagonista do conto regalounos unha estrela espantapesadelos para poñer debaixo da almofada e ter sempre soños bonitos.......

Que boa colleita!

2011-05-25T16:59:00.000+02:00

O luns recollimos na horta as nosas leitugas que medraron moito grazas a auga que lle botamos. Fixemos na casa unha ensalada moi rica.

Contacontos para nós

2011-04-19T18:12:00.001+02:00

Os nenos e nenas do 1º ciclo disfrutaron cos contos que lles contou Iago López:

Aprendemos a gardar os libros na biblioteca

2011-04-02T17:31:00.000+02:00

Algúns nenos e nenas do segundo ciclo viñeron ensinarnos aos de 2º de Primaria como buscar e gardar ben os libros na biblioteca. Despois da súa explicación, puxéronos tarefa: gardar libros de diferentes temas, no sitio correcto:

Xogamos coas formas e os espazos

2011-03-05T18:14:00.002+01:00

As figuras xeométricas

View more presentations or Upload your own.

Xogamos coas formas

2011-03-05T18:03:00.003+01:00

Os nenos e nenas de primeiro xogamos coas formas e os espazos:

As figuras xeométricas

View more presentations from bibliotecadocole

Xogo Lim sobre o Entroido

2011-02-25T00:07:00.000+01:00

Desde o CRA Raíña Aragonta , vía CGENDL, chéganos este xogo no que aprenderás como se celebrao entroido noutros lugares de Galicia:

Os de primeiro fixemos un agasallo

2011-02-23T11:07:00.000+01:00

Os nenos e nenas de 4º curso contáronos na biblioteca o conto da Cebra Camila.
Gustóunos moito, e decidimos facerlles moiiiiiiitas cebras Camila :

As pombiñas da paz en 1º

2011-02-15T00:08:00.001+01:00

No dia da Paz, Aldara botou unha pombiña a voar.
E despois pintaron moitas pombiñas na clase, cheas de desexos de Paz.

Xogo do corpo humano

2011-02-14T23:12:00.003+01:00

Deixamos aquí un xogo sobre o corpo humano da Comunidade de Castela e León:

Concurso de cartas de amor

2011-02-10T18:35:00.002+01:00

Os nenos e nenas maiores do cole están facendo cartas de amor.Son cartas de amor aos amigos, a súa mascota, aos seus irmás, aos seus pais,..
Despois van presentalas ao concurso de cartas de amor que convoca a biblioteca do noso cole, por segundo ano.
Este curso tamén hai concurso para pais e nais. Animádevos.
Mirade aqui si queredes saber mais.

Contos de Paz

2011-01-24T16:35:00.003+01:00

Desde Vide eses amigos que temos en As Neves, vía Sarmenteiros chéganos esta recompilación de contos de paz. Moitos deles poderedes atopalos na exposición que preparamos entre todos e todas:

Empezando o ano

2011-01-09T23:41:00.003+01:00

Deixamos aquí os nosos bos desexos para este ano que comeza:

Feliz 2011

View more presentations from dinamizanormaliza.

Os bosques

2011-01-08T13:10:00.000+01:00

O Ano 2011 é o Ano internacional dos bosques. Entra e xoga para aprender cousas do bosque

Felices festas

2010-12-24T21:09:00.001+01:00

A praia

2010-11-24T20:32:00.000+01:00

Onte os nenos e nenas de 2º fomos á praia da Xunqueira.
Tiñamos que pintar a praia, e facía un día tan bo, que alá fomos coas nosas pinturas e carpetas, a traballar a praia.

Igoal que os artistas de verdade!!

Os nosos traballos van servir para ilustrar un calendario.

Cada curso pinta unha cousa propia de Moaña, e nós tocounos a praia.

Carta de Paco para 1º curso

2010-11-18T21:38:00.000+01:00

QUERIDOS AMIGOS E AMIGAS DE PRIMEIRO:

Levo xa nove anos na biblioteca do voso cole e aínda non me ensinastes como é o pobo onde vivimos.

Este ano gustaríame coñecer un pouco máis de Moaña,onde está, como se chaman os seus ríos, as praias, as festas, en que traballan as súas xentes...

SABEDES QUE 2010 É O ANO INTERNACIONAL DA AUGA?

Gustaríame saber que se pode facer coa auga ademais de usala para a hixiene e a alimentación.
Podedes dicirme para que usan a auga os muíños?
Por certo, ten algo que ver muíño e muiñeira?

Espero as vosas respostas!

Para buscar a información, na biblioteca escolar, ou na páxina de recursos:

PROXECTO AUGA

Carta de Paco para 2º curso

2010-11-18T16:39:00.000+01:00

QUERIDOS AMIGOS E AMIGAS DE SEGUNDO:

Levo xa nove anos na biblioteca do voso cole e aínda non me ensinastes como é o pobo onde vivimos.

Gustaríame saber se en Moaña hai moitos ou poucos muíños,como se chaman, por onde están situados.
Podedes facerme un mapa, para que eu os vexa?

Espero as vosas respostas!

Para buscar a información, na biblioteca escolar, ou na páxina de recursos:

PROXECTO AUGA

Xoga

2010-11-10T18:27:00.000+01:00

Como xa sabedes, estamos no outono.

E unha estacíon estupenda para fotografiar, debuxar, escribir poemas...

Vos animamos a que fagades debuxos, contos e poemas.

Pero mentras non chega a inspiración, aquí tedes unha páxina para xogar un pouco:

educastur

Biblioteca de aula

2010-11-01T23:43:00.000+01:00

Na semana das bibliotecas escolares, preparamos a nosa biblioteca de aula para recibir a visita dos nenos e nenas das outras clases.
Recibimos aos golfiños, de 6º de Infantil e lémoslle un poema da lúa:

A Lúa
ten nomes
nas palmas
das mans.

Ten meles
e soles
nas ondas
nos sons.

A Lúa
pasota
non toma
limón.

Ten meles
e soles
nas ondas,
nos sons.

O Samaín

2010-10-31T22:04:00.001+01:00

Entra e fai a túa cabaza:

A biblioteca de aula

2010-10-26T21:06:00.001+02:00

Asi de bonita está a biblioteca de aula de 2º:

Cos nosos libros favoritos

Inicio de curso

2010-09-07T15:59:00.000+02:00

As clases comenzan o día 10 de Setembro, no horario habitual; de 9 a 2.

As actividades de tarde empezarán no mes de outubro

A clase de 1º en Quintela

2010-06-28T22:48:00.001+02:00

ESTES SOMOS NÓS 1º

View more presentations or Upload your own.

Así somos os de 2º

2010-06-28T22:41:00.001+02:00

Así somos nós os de 2º

View more presentations or Upload your own.

Letras galegas 2010

2010-05-04T20:30:00.000+02:00

Pronto será o Día das Letras Galegas. Este ano dedicase a un poeta: Uxío Novoneyra.
Pero tamén escribiu un conto : "Ilda, o corzo, o lobo e o xabarín".
No CEIP de Frians fixeron un xogo baseado no conto.
Clicade na imaxe para xogar:

Mulleres e ciencia

2010-04-23T09:48:00.000+02:00

Hoxe recibimos carta de Paco
Queridos nenos e nenas:
Gustame moito a exposición de mulleres científicas que temos no cole.
Pero teño curiosidade por saber unha cousa:

Para primeiro:

Que inventou Bette Nesmith Graham?

Para segundo:

Que inventou Beulah Henry?

Cando o saibades, podedes facerme un cartel deses bonitos que sabedes facer vós ?.
E que quero presumir diante dos meus amigos do ben que traballades e investigades!!!
Este curso estamos traballando moito.
Por eso teño gardado un agasallo para toooooooodos vós.
Espero que vos guste!!!

Entrade na páxina de recursos para investigar:

A NOTICIA!!

2010-04-22T13:51:00.001+02:00

Na aula de 2º estamos aprendendo como se elabora unha noticia. Entre todos fixemos unha.

"UN PRÍNCIPE DOUTRO PLANETA"

Onte chegou un príncipe á cidade.

Era un neno extraño, de pelo loiro e mirada bonita e melancólica.

Ao mirar o noso planeta dixo:

-" Este planeta é inmenso, precioso e cheo de nenos para xogar."

(Traballo plástico realizado por Daniela)

CONTOS DE VENTO E DE NUNCA ACABAR

2010-03-26T10:41:00.000+01:00

O luns 8 de marzo a clase de 2º rematamos de ler un libro de poesías que se titula

" Contos de vento e de nunca acabar" de Antón Cortizas.

Gustounos moito porque tiña poesías divertidas e que rimaban moito. (Debuxo de Alvaro)

SENTADOS Á MESA

2010-03-11T13:55:00.000+01:00

As nenas e nenos de PRIMEIRO, ao rematar de traballar co tema da alimentación, compartiron un pequeno menú elaborado con productos naturais, saborosos e nutririvos (patacas, ovos caseiros, tenreira, tomates, aceite de oliva e laranxas)

Esta actividade programouse para poñer en práctica a autonomía e iniciativa personal dos nenos, aprendendo a colocar, usar e recoller os útiles necesarios para o consumo dos alimentos, sen esquecer a hixiene.

A tortilla, os filetitos, o tomate e as laranxas resultaron apetitosos para case todos.

A ARAÑA PIRULETA

2010-03-09T09:36:00.000+01:00

Había unha vez unha araña que se chamaba Piruleta e sempre estaba moi leda.

Un día foi a casa da súa amiga Carolina que sempre estaba triste.

De súpeto, Piruleta tivo unha idea, ía facer rir a Carolina.

Entón Piruleta comenzou a facerlle cochegas e a contar chistes.

Carolina pasábao pipa e ría a gargalladas e sen parar.

Ao final celebrárono cunha tarta de moscas con chocolate e xogando xuntas.

E colorete, colorín

este conto marchou nun chimpín. (Autores: clase de 2º Ilustración: Ainhoa)

O ESQUIMÓ E O OSO

2010-03-02T16:39:00.000+01:00

Había unha vez un esquimó que vivía nun iglú tan pequeno, tan pequeno, que tivo que marchar e decidiu irse a Alaska.

De camiño a Alaska atopouse cun oso polar branco que tamén ía de camiño a Alaska.

De súpeto, ao oso entroulle a fame e mirou ao esquimó con ollos golosos.

Pero como o esquimó era moi intelixente tivo unha idea:

- Se non me comes, candon cheguemos a Alaska montarei unha pescadería e poderás comer todo o peixe que queiras.

Ao final o oso non comeu ao esquimó.

E colorín, colorado,

este conto está rematado. (autores: alumnado 2º Ilustración: Yoel)

EL CASTILLO DE ZAMPACHICHA MIAUMIAU

2010-02-26T10:34:00.000+01:00

26/02/10

Onte rematamos de ler un libro de Gerónimo Stilton.

Era de fantasmas, momias, bruxas e vampiros que estaban no castelo de Zampachicha Miaumiau.

Gerónimo Stilton tiña moito medo e dicía seguido que quería estar na súa casa.

Ao final... se ledes o libro, saberedes o que pasou.

A nós gustounos moito

UN CONTO DE ENTROIDO

2010-02-19T10:24:00.000+01:00

Había unha vez uns nenos que fixeron un disfraz para o Entroido e decidiron disfrazarse de pallasos.

De súpeto, en mitade da festa apareceu un crocodilo e os nenos asustáronse.

Entón decidiron facerse amigos.

Ao final ensinaron ao crocodilo a facer malabares coa cola.

E colorín, colorado
Este conto está rematado.

(Autores: alumnos de 2º. Ilustración: María)

Xa rematamos o libro

2010-01-25T19:45:00.000+01:00

Os de segundo xa rematamos de ler "Lecturas para dormir a una princesa"

Xoga cos números

2010-01-18T19:03:00.000+01:00

Xoga cos números perdidos. Imos empezar coas sumas.
Preme na imaxe, e dalle á pantalla grande, para traballar mellor.

Papá Noel

2009-12-22T20:36:00.001+01:00

Hoxe foi un día moi especial.
Primeiro tomamos chocolate con churros, e logo veu Papá Noel.
Trouxo un xogo e un libro para cada clase.
Aquí está na clase de primeiro.

E aquí está na clase de segundo:

Ultima hora

2009-12-15T20:40:00.001+01:00

A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, día 16 de Setembro.

A medida tómase en base á predición da Axencia Estatal de Metereoloxía dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia a partir das 00,00 do mércores 16 de Decembro.

Poesía de outono

2009-11-30T14:33:00.000+01:00

Ola familias,

aquí estamos de novo cunha poesía que inventamos.

É sobre o outono que pronto rematará.

Esperamos que vos guste!!

-----------------------------------------------------------------------------------------------

Verde...

a folla da primavera verde,

a come o verme.

Vermella...

a folla vermella,

fai a súa cama a ovella.

Amarela...

a folla amarela,

a nena xoga con ela.

Marrón...

a folla de outono marrón

é da cor do turrón.

Chove moito, chove moito.

Choven follas, choven castañas,

choven cabazas, paraugas.

Chove moito, chove moito.

Choven gatos, choven cans,

choven árbores e bastóns de gominola.

Chove moito, chove moito.

Choven churros con chocolate quente,

choven pelotas,

choven orellas de galleta e ollos que te miran.

Chove moito, chove moito.

Choven asubíos

e choven historias e contos viaxeiros,

choven nenos e nenas.

Chove moito, chove moito.

Rosa Caramelo

2009-11-22T15:58:00.001+01:00

Vemos esta Webquest para traballar sobre o libro "Rosa Caramelo" .Primeiro debedes ler o conto, e logo...a traballar!!!

Boa letra

2009-11-19T19:45:00.000+01:00

Imos a practicar a caligrafía:
Clica no debuxo e pinta no encerado. Procura facer boa letra!!

Carta de Paco

2009-11-06T17:59:00.000+01:00

Hoxe recibimos carta de Paco. Quere que lle axudemos. Faínos unhas preguntas un pouco difíciles, pero os profes vannos axudar.

Os nenos e nenas de primeiro temos que buscar que é un TELESCOPIO, e despois debuxar un moi bonito e moi grande.

Aos nenos e nenas de segundo tócalles debuxar o SISTEMA SOLAR.

Todas as clases teñen que facer algo, e logo imos xuntar o traballo de todos e así imos aprender uns dos outros.

Repasamos o aprendido

2009-11-01T11:07:00.001+01:00

Xoga e le. Pulsa a imaxe:

(Vía Ceip Manuel Fraga-Cariño)

As normas da clase de segundo

2009-10-28T20:24:00.000+01:00

........................................................................

O corpo humano

2009-10-27T19:23:00.001+01:00

Como estamos aprendendo cousas do corpo humano, imos xogar. Preme na imaxe e xoga:

Lemos un conto?

2009-10-16T21:15:00.000+02:00

Queres saber que está a ler Paco? Pon o rato enriba, e verás,...

Pronto estaremos con vós

2009-09-18T20:56:00.000+02:00

Somos moitos e moi pequenos.
Estamos empezando o curso, pero pronto estaremos con vós.