Polo Día da Paz, recibimos a visita da Fundación Provincial do Banco de Alimentos de Vigo, que teñen como principal obxetivo axudar aos máis vulnerables, a través de colectivos sociais, ONGs, etc.
Visitáronnos dúas voluntarias da asociación e explicaron ao alumnado cal é a súa función e como podemos axudar.
Para a ocasión organizouse unha campaña de recollida de alimentos na que participou toda a comunidade educativa.
Grazas a todas as familias pola vosa colaboración e implicación!!!
Que postais para felicitar o Nadal tan fermosas fixeron os nenos e nenas de 1° coa axuda dos maiores do cole, os nenos e nenas de 6° de primaria. Que pracer volver compartir momentos…
O pasado martes recibimos na escola aos representantes de Xuntos, que traballa para a integración desde a Asociación DOWN de Pontevedra. Nesta xornada de sensibilización participamos nunha sesión de contacontos. Contáronnos o conto da cebra e o seu paraugas multicolor. Vaia sorpresa cando apareceu a cebra de verdade!
Gustáronnos moito!
Moitas grazas Xuntos!
Este curso, continuamos co proxecto DigiCraft que comezamos o curso anterior. Nesta sesión que fixemos na hora Tic's, traballamos as emocións cun xogo a través do código QR, no que entendemos o funcionamento dunha intelixencia artificial.
Que entretidos estivemos solucionando unha serie de pistas que Diodi nos enviou para abrir o cadeado da maleta na que ven gardado todo o material co que estamos traballando en clase.
Tivemos que descubrir os catro números solucionando unha serie de retos (coordenadas nun mapa, unha adiviña, papiroflexia e un quebracabezas). Unha vez aberta a maleta, entre outras cousas, atopamos os Merge Cube, cos que estivemos xogando.
