VISITA DOS REIS MAGOS

 Hoxe visitáronnos os Reis Magos! Cantámoslles as nosas panxoliñas e eles trouxéronnos agasallos e déronnos caramelos. Aquí podedes ver o ben que nos saíu a actuación!

Poema de Nadal

 A clase de 1º quere desexarvos un bo Nadal, 

un Nadal deses que fan que lembredes que en vos tamén hai nenas e nenos, 

cunha luz no corazón como a que teñen os nenos e nenas de 1º...

FELICITACIÓN DE NADAL EN QUINTELA

OS NENOS E NENAS DE QUINTELA DESEXÁMOSVOS UNHAS BOAS FESTAS E UNHA FELIZ ENTRADA NO 2022.

DIGICRAFT NO TEU COLE. VIDEOXOGO CON SCRATCH EN 1°

 

Nesta ocasión xogamos a un videoxogo creado con Scratch no que tiñamos que conseguir puntos e esquivar obstáculos pintados por nos na propia aplicación. Xogamos cunha marioneta que debuxamos nun papel e o pegamos nun lápis para poder xogar. Encantounos!!!!

DIGICRAFT NO TEU COLE. ORGANIZACIÓN DE ARQUIVOS EN 1°

 

Nesta sesión, os nenos e nenas aprenderon que a información nos dispostivos dixitais se pode almacear de moitas maneiras diversas e que todas son válidas mentres atopemos o que estamos buscando. Fixémolo mediante tarxetas e tamén a través dun conto, no que axudamos a Diodi a atopar uns cargadores extraviados.

MURAL PARA CONMEMORAR O 25 N

 NO COLE, CONMEMORAMOS O 25N CUN FERMOSO MURAL FEITO POLO ALUMNADO. 

25 N "Curemos a violencia"

 Aínda que nos queremos moito, as veces saen da nosa boca verbas que firen, por iso no colexio decidimos facer unha cura chea de agarimos e palabras bonitas.

Visita de 1º e 2º ao museo MARCO de Vigo

 

Onte estivemos en Vigo.

Puidemos ver cómo era o Concello e paseamos polas súas rúas. Xa estaban colocadas as luces e estaban colocando os adornos de Nadal. Vimos un precioso carrusel e músicos tocando na rúa.

O museo MARCO está nun edificio moi bonito e a exposición de Din Matamoro " A mirada acesa" está chea de luz e cor. 

Tamén participamos nun obradoira moi chulo no que traballamos coas cores.

Pasámolo pipa!

 

DIGICRAFT NO TEU COLE. APRENDEMOS PROGRAMACIÓN CON ZOWI NA AULA DE 2º

Na aula de 2º estivemos traballando a linguaxe de programación cos Zowi. Primeiro vimos un video de Zowi bailando para a continuación colocar as nosas tarxetas de movemento nas mesas. Unha vez feito iso, introducimos os movementos na aplicación de Zowi nas tabletas e fixemos bailar os robots ao mesmo ritmo que o video.

Gustounos moito!

 

DIGICRAFT NO TEU COLE. SPECTACULAR EN 1°

 Nesta sesión, os nenos e nenas traballaron no descubrimento da imaxe dun animal coas pistas que se lle daban e iamos metendo no buscador de Google (traballando así o concepto de palabras clave). Unha vez descuberto o animal, pois pintaron en papel a máscara dese animal e, ao enfocalo coa aplicación QuiverMask nas tabletas e colocarse eles diante, pois a máscara cubría as súas caras. Pareceulles fermosísima!

O magosto

 

Que ricas as castañas do magosto! Pasámolo moi ben nos xogos

Samaín en primeiro

Esta semana celebramos o Samaín, o inicio do inverno e a fin das colleitas. O ano novo celta. O alumnado de primeiro preparou, cuanto coas súas familias estes calacús.

 

Excursión a Rialdarca

Pasámolo moi ben nesta excusión! 

As cabazas da clase de 2º

 Qué emoción! o colexio a escuras e todas as cabazas iluminadas! 

Coma sempre, a imaxinación estivo presente nas vosas creacións.

Moitas felicidades familias!

Plantamos na horta

 Onte plantamos espinacas na horta. Fixémolo con moito amor para que medren moito!

A mesiña da estación

Na aula de música temos unha mesiña da estación. É un elemento empregado na pedagoxía Waldorf que sirve como enlace entre a natureza e os nenos e nenas. Conéctaos co ritmo do ano e o paso das estacións. Así de fermosa luce a nosa mesiña. Como podedes ver está cheíña de follas, paus, ourizos... Todos os elementos da natureza que podemos atopar nun paseo nesta época do outono. Se afinades a vista, tamén hai un pequeno esquío! Moitas veces aparecerán animaliños ou trasniños para que os nenos e nenas busquen  na mesiña. Iremos amosando como vai cambiando co paso do tempo. Se alguén se anima a facela na casa, estaremos encantadas de explicarvos que facer. 

DIGICRAFT NO TEU COLE. AUGMENTED CLASS EN 1°

 Nesta sesión, o alumnado traballou a realidade aumentada a través da aplicación Augmented Class. Pintaron debuxos sobre elementos vikingos e logo, ao cargalos na aplicación e enfocalos coa tableta, proxectábanse en 3D. Tamén xogaron dixitalmente a clasificar os distintos debuxos que plantexaba a aplicación nas carpetas correspondentes.

Gustoulles moito!

DIGICRAFT NO TEU COLE. ASISTENTE DE GOOGLE EN 2º DE PRIMARIA

 Nesta sesión, o alumnado estivo traballando co asistente de Google, que lles narraba un conto e eles, mediante frechas que eles recortaron e pegaron nuns paus, decidían os derroteiros polos que continuar a historia.

Estivo moi ben!

QUIVER EN 2°

Os nenos e nenas de 2º estivemos pintando debuxos para, ao enfocalos coa aplicación Quiver nas tabletas, proxéctanse en 3D e permítelles interactuar con eles.

Encántalles!

 

DIGICRAFT NO TEU COLE. METEVARSE E CÓDIGOS QR EN 1º

 

Este curso, o alumnado de 1º entra dentro do proxecto DigiCraft no teu cole, no que a Fundación Vodafone, en colaboración co AMTEGA, proporciona unha serie de materiais para que os nosos nenos e nenas mellores e sean competentes no ámbito dixital.

O proxecto consta de dúas partes, unha de realidade aumentada e videoxogos, e outra de intelixencia artificial e robótica. Traballamos cada semana na sesión Tic para alcanzar os obxectivos propostos.

A primeira sesión que fixemos foi sobrea realidade aumentada coa aplicación metaverse e o escaneo de códigos QR.

Encantoulles!!!!