A clase de primeiro quixemos agradecer a profe Kathy o traballo que realizou na olimpiada. Deseñamos en papel unha medalla para a que tivemos que tomar diferentes medidas e cálculos. De todos os deseños, botamos cal nos gustaba máis para levar á impresora 3D. Deseñamos o modelo, imprimímolo, pintámolo e puxémoslle unha cinta para regalarlla a Kathy.
Quedou encantada!
O alumnado de 2ºP, segue a investigar sobre moitos temas distintos. Nesta ocasión, Óscar e Noel, explicaron aos compañeiros/as do colexio, o que aprederon sobre dinosaurios.
O alumnado de 2ºP, foron os protagonistas de novo esta semana, xa que fixeron varios contacontos polas aulas do colexio. O luns visitaron a aula de 5ºI, Alicia, Laia, Iliana e Asier, para contar dous contos os pequenos do colexio.
NORABOA!!! QUE BEN O FIXERON!!!
Este ano o alumnado de 2º fixo unha obra de teatro a partir do conto de "O gato lambón" de Patacrua e Oliveiro Dumas publicado por Kalandraka.
O alumnado fixo de artistas plásticos, diseñadores, autores, adaptadores, periodistas, directores, actores e actrices e moito máis nestes videos poderedes ve run pouquiño do making off do seu traballo e a gran actuación destes fantásticos actores e actrices!
Neste ano atopamos que "as mates" están por todas partes, nos retos, no patio, na natureza... no noso día a día dámonos conta de que a competencia matemática é imprescindible.
Neste vídeo deixámosvos un anaquiño dalgunhas imaxes do noso traballo.
Aínda que dos traballos máis intensos e interesantes que fixemos non nos lembramos de sacar fotos pois estábamos demasiado concentrad@s neles.
Agardamos que disfrutedes dos nosos descubrimentos.
A pesar de que o tempo non nos acompañou nalgún que outro intre, a xornada de convivencia en Castrelos foi moi amena e divertida.
Os nenos e nenas de 2º estamos encantados coa impresión 3D. Logo de facer unhas fermosas flores para agasallar aos nosos padriños e madriñas lectores polo Día da Poesía, deseñamos (primeiro nas pizarras e logo no programa Doodle 3D) e imprimimos unha figura para levar a casa.
Quedaron cousas moi fermosas.
O pasado martes, o alumnado de 1º de Primaria viviu unha experiencia moi especial: fixemos unha saída didáctica á praza de abastos da nosa localidade. E... que ben o pasamos!
Acompañados polo profesorado, comezamos a xornada camiñando xuntos, observando con atención todo o que nos rodeaba.
Tivemos a sorte de ver de preto unha gran variedade de peixes: douradas, sardiñas, unha estrela de mar, e mesmo unha centola! Aprendemos os seus nomes e as súas características. Tamén descubrimos algúns aparellos de pesca, como as nasas, e falamos da importancia do mar para a nosa comunidade.
Nos postos de froita e verdura puidemos identificar moitos alimentos que xa coñeciamos e outros novos. Observamos as cores, as texturas e aproveitamos para falar da alimentación saudable.
E, por suposto, despois de tanta emoción, rematamos a mañá xogando no parque.
Foi unha xornada moi enriquecedora, na que aprendemos moito sobre a nosa contorna máis próxima dunha maneira vivencial e divertida.
🎥 Deixámosvos un vídeo resumo con algúns dos mellores momentos desta saída. Agardamos que vos guste tanto coma a nós!
O alumnado de 2° de primaria fixo unha enquisa a todo a alumnado do centro na que preguntaban que lugar de Moaña era o seu favorito entre as opcións que lles daban que eran: a pista do Casal, a Xunqueira, o Loft, a piscina municipal, o porto e a pista de atletismo.
E aquí o resultado recollido nun diagrama de barras.
.jpeg)