Benvidos/as ao novo curso!!

Despois dun longo veraá voltamos ao cole cargados e cargadas de enerxía!!

Ademáis deixamos o ciclo Infantil para empezar na Primaria con moito ánimo e cun novo profe, Juan.

Esperamos aprender moitas cousas e pasalo moi ben!!

Aquí vos deixamos algunhas fotos dos primeiros días.

Saúdos e ata pronto!!

Saúdo da clase de 2º

Ola familias, como estades?

Este curso xa estamos en segundo.

Cambiamos a unha clase  no piso de arriba, preciosa e chea de luz.

Empezamos con moita ilusión e moitas ganas de traballar.

As vacacións foron divertidas pero tamén é moi bonito voltar cos nosos compañeiros e compañeiras e gozar deste cole tan bonito que temos.

Moitos bicos e ata outro ratiño.

O cacho de San Xoan en 2º

Despois de aprender a coñecer as herbas aromáticas decidimos facer o cacho de San Xoán para que toda a clase soubera o que era porque moitos non sabían del. A víspera de San Xoán (23 de xuño) métense en auga as plantas aromáticas que haxa cerca e déixanse toda a noite a coller o rocío para pola mañá lavar a cara coa mestura de aromas metida na auga. Nós fixémolo a víspera de fin de curso. Antes de marchar de excursión a Meira deixamos as plantas na auga: anís, herbaluisa, chopo, xeranio, herba de San Xoan, menta, herbalimona, lavanda e unha flor de gardenia adornando tanto verde. Cando chegamos a clase ao día seguinte cheiraba que daba gusto. Non paramos de mollar a cara e os brazos en toda a mañá porque como había tanta calor, refrescábanos!

O cacho ten diferentes nomes no resto de Galicia. Un dos nomes máis coñecidos é o de cacherela. A profe Adela é de Nigrán (preto de Vigo) e alí chámanlle auga de rosas e auga de San Xoan.

Aí van unhas fotos!

Despedida de 2º

A clase de 2º quere despedirse do curso e comeza cunha fotografía no patio de Infantil tomada despois de ir á horta.

Estas son as frases que queremos poñer:  

"Foi moi divertido estar en 2º."

"Encantoume estar en 2º coas miñas compañeiras e compañeiros e coa profe María."

"Aprendemos moito máis do que cremos."

"Estudamos moito e é unha pena irse."

"Xa te estou botando de menos."

"Adeus 2º botareite moito de menos."

A profe María desexa que o pasedes moi ben no verán, que descansedes, que non vos poñades nerviosos polo novo curso e que non vos esquezades de ler todos os días un pouquiño e, por certo, lembrade o dito popular:

Para gustos píntanse colores.

Un saúdo

Fin de curso en Meira

O xoves, 18 de xuño, celebramos a fin de curso indo de excursión todo o colexio á Xunqueira e ao parque de Meira. A clase de 2º compartiu os xogos con 1º e debaixo están as fotos.

1º ás portas das vacacións.

Pois aquí nos tedes celebrando a excursión de fin de curso.

Con todo o que traballamos, o merecemos moito.

Ao comenzo todos estabamos un pouquiño nerviosos por como iría o cambio, pero como podedes ver, foi todo moi ben, polo menos a profe di que está encantada con todos.

Nós imos seguir aquí columpiándonos mentres vos desexamos un feliz verano, cheo de días de sol, praia e risas.

O FRAUTISTA DE HAMELÍN

Ola familias, non queremos marchar sen agradecer a visita que nos fixo Fran a nosa clase para contarnos o conto do frautista de Hamelín. 

Por certo, unha versión cun final inventado por él e moi interesante, pois, grazas ás habilidades deste músico, a cidade consegue liberarse de todos aqueles que a gobernan mal.

Moitas gracias Fran pola túa historia, pola túa simpatía e, por suposto, polas túas moedas de chocolate!

Diario da plantación

En 2º levamos un diario da plantación de leitugas e calabacín na horta escolar. Este é o álbum de fotos.

A froita na escola

A clase de 2º participou co resto do colexio no programa " Aliméntate " e así tivemos de merenda distintas froitas ao longo de 4 semanas. Comemos mazás, amorodos, laranxas, plátanos, peras, melocotóns, peladillos, nísperos, cereixas e albaricoques. Ao final falamos da froita que máis gustou e foron os amorodos. Os nísperos e os albaricoques case ninguén as coñecía e, polo tanto, foron probadas por 1ª vez e gustaron. A maioría dos nenos e nenas probaron todas as froitas. Moi poucos quedaron sen probar algunha e houbo moitos que repetiron o que quixeron pois encántalles a froita.

Fixemos matemáticas para repartir os albaricoques, as cereixas e os peladillos. Tiñamos que averiguar por grupos a froita que tiñamos, cantos eramos e canto nos tocaba a cada un por igual e sen que sobrara. Despois, podiamos repetir porque algúns non comían toda a que lle tocaba e había un fondo de reserva. As repeticións facíamolas despois do recreo e repoñiamos forzas para seguir a clase. Tamén levamos conta das semanas desde o principio cubrindo unha folla cos datos que tiñamos. 

Miña nai é fantástica

Aqui temos o vídeo cos textos do traballo de Educación Emocional en 1º "Miña nai é fantástica":

As plantas aromáticas

En 2º aprendemos a coñecer as plantas aromáticas que hai preto de nós. Algúns nenos e nenas levamos a clase algunhas e aprendemos toda a clase os seus nomes, o seu aroma, como son, para que se utilizan. Algúns nomes son a valeriana, o loureiro, o poenso, o hortelán, o pirixel, a herbaluísa, o ourego e moitas máis. Como tiñamos tantas plantas na aula decidimos facer un mural con elas e acompañalo dos nosos debuxos.

A profe sacou estas fotografías que ilustran parte do traballo.

2º coñece as plantas do patio

Na clase de 2º estamos dedicámoslle moito tempo a estudar o tema " As plantas ". Unha das actividades que fixemos foi dar unha clase no patio do colexio para coñecer un pouco as plantas que vemos todos os días e nas que non nos fixamos moito. Coas fotos saíu este albume Picasa.

Agora contamos nós en 2º

En 2º dedicamos moitas sesións da " Hora de ler" a aprender a contar e ler contos ao resto da clase. A profe gravounos e agora temos unha película de recordo.

2º no " Festival das Letras Galegas"

No "Festival das Letras Galegas" o curso de 2º cantamos e bailamos a canción "A vaca marela". 

Estivemos falando en clase sobre o que recordabamos do festival e escribimos estas impresións: 

"Cando subín ao escenario sentín moita vergonza porque había moito público mirándonos e se puxo a aplaudir". 

             Yago    Xulio    Dorian    Area    Erín    Valentina    Leire   Raúl   Sarah

 

 "Cando subín ao escenario estaba un pouco nerviosa".

                         Noa    Nerea

"Gustoume moito cando estaba no escenario cos meus compañeiros e compañeiras bailando".

                        Lara

 " Foi divertido cando me puxen a cantar."

 Natalia 

"Cando entrei no escenario cos meus compañeiros e compañeiras sentinme diferente". 

Zoe 

"Cando saín ao escenario con tantos aplausos sentín moita vergoña, pero cando acabamos con máis aplausos sentín moita alegría".

David

"Cando estaba no escenario sentín moita felicidade e emocioneime moito".

Uxía

"Cando o público aplaudiu sentín moita alegría, moita felicidade, sentinme ben".

Óscar     Arancha     Cayetana     Adrián     Saúl

"Cando subimos ao escenario despois duns segundos máis tarde, María detrás do telón empezou a bailar. Eu sabía que estaba bailando porque había unha ventá á que lle daba o sol".

Hugo

" Eu vou falar das obras porque a de 5º foi espectacular e a de 6º tamén. Os de 3º gustáronme moito e nós tamén o fixemos moi ben".

Daniela

"Gustáronme moito as obras e tiven un bo momento que nunca olvidarei".

Carla

O paxariño

Actividades Letras galegas 2015

Xa temos aquí as actividades do Seminario Galán 2015. Clica na imaxe para entrar:

1º e 2º en Soutomaior

O martes 21 fomos de excursión ao castelo de Soutomaior como remate do proxecto " Os castelos". Compartimos con vós estas fotos para que vexades o ben que o pasamos e o que aprendemos.

Bea vén contarnos un conto

Bea, a mamá de Aldara fixo unha visita á clase de 1º.
Pasámolo moi ben!
Contounos un conto chulísimo!
Traía feitas todas as personaxes e unha delas era un crebacabezas.
Ao final deixounos facelo a nós!!

Bea cóntanos un conto from dinamizanormaliza

Unha contacontos especial

Recibimos  a visita dunha contacontos moi especial. A mamá de Samuel de 3º, Astrid, veu polas clases a contarnos un conto en inglés porque ela fala moi ben o inglés, xa que naceu en Norteamérica e sabe contar  moi ben. Aprendemos unha canción cos nomes das cores e, por nós, pode vir máis veces.
Moitas grazas de parte da clase de 2º. As fotos din como estabamos atendendo.

1º planta na horta

Onte, os nenos e nenas de primeiro, estivemos traballando na horta. Tocounos plantar leitugas e cabaciñas.
Aquí tedes unhas fotos que mostran o entretidos que estivemos e o moito que aprendemos.

Plantando na horta from dinamizanormaliza