Aprendemos xogando

 Velaquí un pequeno resumo dalgunhas actividades que fixemos para traballar a competencia matemática.

Panxoliña aos Reis Magos do alumnado de 1º e 2º

 Que contentos quedaron os Reis Magos na visita que fixeron ao cole. O alumnado de 1º e 2º cantoulles unha fermosa panxoliña. Os Reis trouxéronlles unha morea de agasallos e tamén lles deron caramelos.

Moitas grazas Maxestades por vir visitarnos!

                             

As nenas e nenos de 1° e 2° deséxanvos unhas felices festas!

 

Saída de Nadal

 Con motivo do Nadal, os nenos e as nenas de primeiro de primaria aprenderon unha fermosa paxoliña e foron compartila cos compañeiros e compañeiras do colexio do Con, aproveitando así a ocasión para dar un paseo pola vila.

Aquí vos deixamos unhas fotiños de resumo. Que mañá tan emocionante!

Cabo Udra

 O alumnado de primeiro e segundo de primaria puido desfrutar dunha marabillosa xornada coñecendo Cabo Udra. Visitaron a aula da natureza, pasearon polos sendeiros e xogaron na praia.

Velaquí vos deixamos  un pequeno resumo:

Manualidades

 Nas aulas de 1° e 2° están a recortar follas e facer ourizos para decorar os corredores do cole.

Que fermosos están quedando!

Recantos da biblioteca e teares

 Canto aprendemos e desfrutamos nos recantos da nosa biblioteca.

Teatro Quintela

Comeza un novo proxecto neste curso 24/25.  Este ano investigaremos sobre o teatro. 

O primeiro día o alumnado entrou nun cole convertido por un día nun teatro, e levaron unha entrada invitando a toda a comunidade educativa a disfrutar dun curso cheo de teatro.

Espéranos un curso cheo de diversión e maxia, apredendo guións, bailes, sendo actores e actrices, preparando maquillaxes, vestiarios, escenarios, pero sobre todo...disfrutando do teatro.

Poemas e ditos de outono na voz do alumnado de 1°

 Que fermoso o poema de Antonio García Teijeiro e un dito e adiviña popular na voz do alumnado de 1° de primaria.

Non menos fermosos son os fondos debuxados por eles e elas.

O Samaín

 Velaquí unhas fotiños presentando as nosas cabazas de Samaín.

Contacontos de Paula Carballeira

 Que gran éxito tivo Paula Carballeira na sesión de contacontos!!

Paula, coas súas dotes interpretativas, levounos a bosques tenebrosos e aos mares de Xapón para rematar cunha pantasma na Illa de Cortegada.

Esta gran actriz, escritora e contacontos fixo as delicias do público pequeno, mediano e grande na nosa biblioteca.

Moitas grazas familias pola vosa participación!

A clase de Primeiro

Este curso 2024-2025 é para nós un ano moi especial pois... COMEZAMOS PRIMARIA!

Estamos impacientes por todas as actividades e aprendizaxes de "maiores" que nos agardan!

Estamos en segundo

 Subimos ao piso de arriba, xa estamos en segundo.

As lerias de primeiro

 Estes son os programas de radio que fixemos neste curso. Agardamos que vos gusten.

Actuacións nas Letras Galegas

1º de primaria: "Quero ser cowboy"

 

2º de primaria: "A xente riciños"

Primeiro na radio

 Fomos coñecer o estudio de radio para facer uns programiñas coas nosas lerias . Gustounos moito escoitar as nosas voces gravadas.

poesía todos os días

 Un novo producto recién saído do forno de RadioQuintela.

Esperamos que vos guste.

Poesía todos os días

 Os nenos e as nenas de segundo visitaron a aula de radio. 

¡Menuda experiencia tan emocionante!

Velaquí o resultado do noso traballo.

Poesía todos os días

 Os nenos e as nenas de segundo siguen regalándonos poesía.

Saída ao parque dos sentidos

 Que fermoso día de convivencia que tivemos o alumnado de 1° e 2°.

Poesía todos os días

 Os nenos e as nenas de segundo de primaria comezan esta semana de xuño con moita enerxía, que rima con POESÍA!

Xogos de mesa e construcións na biblioteca en 2°

 Hoxe xogamos na biblioteca cos distintos xogos de mesa e tamén coas construcións. Tivemos o parchís, a oca, a cabana, o lego, a horta dos caracois e os gameforts.

Visita á praza de Moaña

 A clase de primeiro foi visitar a Praza de Abastos de Moaña. Alí agardábanos Alex para guiarnos na vista.

Aprendemos moito sobre os peixes, Como fai o rape para cazar aos peixiños, por que o Martiño ten unha mancha escura e moitas curiosidades  máis.

Esta actividade está organizada polo Concello de Moaña, no seu programa Aprende Moaña.

Gustounos moito a visita.

As familias contan en 2° de primaria

Nesta ocasión, visitounos Yolanda, a nai de Yannick, que nos leu, xunto con Yannick, unha fermosa historia de Rayo McQueen e os seus amigos.

Grazas Yolanda por vir visitarnos!

Recantos en 2° de primaria

 Hoxe, tivemos tempo para xogar e relaxarnos coas nosas compañeiras e compañeiros desfrutando dos distintos xogos que temos na aula. Houbo quen pintou, quen escribiu no seu diario ou na axenda, tamén houbo persoas que xogaron ás cartas, coas osmo...

Foi un momento moi agradable...

Bailamos e cantamos

 Na clase de música de 2º estivemos cantando e bailando a canción O león mariño, do libro En cabárceno se oye cantar, de Susa Herrera. É unha canción moi divertida. Animádevos a bailar!

Matemáticas coas Osmo en 1°

 Canto aprendemos xogando coas Osmo. Explotamos burbullas con números para que un peixiño puidese chegar ao mar e tamén traballamos nunha pizzería facendo diversas pizzas e cobrando o seu custo.

Pasámolo moi ben!

Seguimos contando coas familias

 Como disfrutamos dos contos da man das familias, esta vez con  Raquel.

Tróuxonos dous libros deliciosos, El abejoso e El cocodrilo que vino a cenar.

Moitas grazas Raquel!

As familias contan

 Un novo conto  compartido polas familias. Jeny contounos  A máscara de león , amósanos como empregar os sentimentos para relacionarnos.

As familias contan en primeiro

 No mes de abril a nosa hora do conto foi moi especial, ao contar coa visita das familias.

Olga tróuxonos un bonito libro sobre un segredo que nos encantou.

Cosemos!

 Na clase de 2º, aprendemos a coser. Cosemos en cartóns con debuxiños e buratos marcados, en grupos pequenos, de 5 ou 6 nenos e nenas. Así, resúltanos más doado. Primero, aprendemos a facer nós e a enfiar, e, logo, xa cosemos, que é o que más nos gusta. Finalmente, decoramos as nós as creacións. Mirade que fermosura!

Día da poesía 2024

O día da poesía tivemos un encontro cos nosos amigos lectores para recitarlles un poema e agasallalos cun poema e unha flor. O alumnado de primeiro e cuarto citámonos na biblio para compartir poemas. Foi moi emotivo.

Recantos STEAM na biblio para 2° de primaria

 Seguimos aprendendo moito nos distintos recantos que temos na biblio. Canto nos gusta entrar na aula virtual e facer actividades das distintas materias, pero non nos gustan menos os retos de Scratch e os xogos coas Osmo. O Concept Kids tamén nos ten moi entretidos.

Os nosos carballos

 No outono, plantamos landras en cartóns de leite. Medraron uns carballiños fermosos. Agora, trasplantámolos a macetas máis grandes, feitas coas garrafas de auga que pedimos ás familias. Coidaremos  as nosas pequenas árbores ata o próximo curso, cando as levaremos ao monte para que medren e medren!