COÑECEMOS A CONTORNA

 O ALUMNADO DE PRIMEIRO CICLO FIXEMOS UNHA SAÍDA Á CONTORNA.

ADEMAIS, APROVEITAMOS PARA VISITAR A EXPOSICIÓN DA PRAZA DE ABASTOS "ARTELLANDO", ONDE NOS CONVERTEMOS EN RATIÑOS.

PASÁMOLO XENIAL!

Saída á praza de abastos

O pasado martes, o alumnado de 1º de Primaria viviu unha experiencia moi especial: fixemos unha saída didáctica á praza de abastos da nosa localidade. E... que ben o pasamos!

Acompañados polo profesorado, comezamos a xornada camiñando xuntos, observando con atención todo o que nos rodeaba. 

Tivemos a sorte de ver de preto unha gran variedade de peixes: douradas, sardiñas, unha estrela de mar, e mesmo unha centola! Aprendemos os seus nomes e as súas características. Tamén descubrimos algúns aparellos de pesca, como as nasas, e falamos da importancia do mar para a nosa comunidade.

Nos postos de froita e verdura puidemos identificar moitos alimentos que xa coñeciamos e outros novos. Observamos as cores, as texturas e aproveitamos para falar da alimentación saudable.

E, por suposto, despois de tanta emoción, rematamos a mañá xogando no parque.

Foi unha xornada moi enriquecedora, na que aprendemos moito sobre a nosa contorna máis próxima dunha maneira vivencial e divertida.

🎥 Deixámosvos un vídeo resumo con algúns dos mellores momentos desta saída. Agardamos que vos guste tanto coma a nós!

 

Cabo Udra

 O alumnado de primeiro e segundo de primaria puido desfrutar dunha marabillosa xornada coñecendo Cabo Udra. Visitaron a aula da natureza, pasearon polos sendeiros e xogaron na praia.

Velaquí vos deixamos  un pequeno resumo:

Andaina de outono

Este é o vídeo da andaina xunto ao río Rialdarca. Tamén fomos á Xunqueira e xogamos no parque. Aproveitamos e aprendemos algunha cousiña: recoñecemos árbores e algunhas plantas silvestres e diferenciamos especies autóctonas de invasoras. E, sobre todo, pasamos un tempiño agradable xuntos. Así da gusto comezar o curso e recibir o outono!   

Visitamos o Museo do Mar

 O mércores, visitamos o Museo do Mar. Puidemos coñecer moitos animais mariños. Vimos o acuario, e mesmo o esquelete dun cachalote! E aínda quedou un tempiño para xogar na praia.

Visitamos o Mercado de Moaña

 O venres fomos de excursión para visitar o Mercado. Foi unha actividade organizada polo Concello dentro do programa Aprende Moaña. Ademais, xogamos no parque do barco pirata e merendamos por alí. Pasámolo moi ben!

1° e2° en Castrelos

Qué ben o pasamos en Castrelos e canto aprendimos no museo “Quiñones de León”!

Tamén puidemos ver os xardíns do pazo, o inglés e o francés, e pasear polo laberinto.

Visita de 1º e 2º ao museo MARCO de Vigo

 

Onte estivemos en Vigo.

Puidemos ver cómo era o Concello e paseamos polas súas rúas. Xa estaban colocadas as luces e estaban colocando os adornos de Nadal. Vimos un precioso carrusel e músicos tocando na rúa.

O museo MARCO está nun edificio moi bonito e a exposición de Din Matamoro " A mirada acesa" está chea de luz e cor. 

Tamén participamos nun obradoira moi chulo no que traballamos coas cores.

Pasámolo pipa!

 

Excursión a Rialdarca

Pasámolo moi ben nesta excusión! 

Saída á praia de Liméns

 Para rematar o curso, gozar do bo tempo o alumnado de primeiro curso, xunto co de primeiro, fixo unha saída á praia de Liméns.

Aprendemos a gozar da natureza, fixemos deporte e demostramos que cada día somos máis conscientes e capaces de coidar a natureza pois estivemos moi atentos e atentas a todo o lixo que había (e recollémolo!).

Velaquí un pequeno vídeo resumo da xornada:

Saída da clase de 1º á praia do Con

 Ola, aquí vos deixamos unha pequena mostra da saída que fixemos a clase de 1º á praia do Con, coas profes Elisa e Inés.

Foi unha xornada fantástica na que puidemos disfrutar do xogo ao aire libre con toda a praia para nós.

De volta puidemos visitar a clínica veterinaria onde curaron ao gatiño que atopamos no colexio. Tamén nos atopamos coa mascota de Naima.

Pasámolo fenomenal!

Museo do Mar, de Vigo

Deixámosvos a montaxe de fotografías da saída que fixemos ao Museo do Mar de Vigo, onde nos falaron das especies mariñas que viven preto das nosas costas e da importancia de coidar e respectar o mar, así que da reciclaxe.

 

 A música que acompáña o vídeo, "Cómo quieres que te quiera" está tirada do disco de Odaiko e Vanesa Muela.

Saída a Chan da Arquiña

O venres, día 11 de outubro, o alumnado de infantil e 1º e 2º de primaria realizamos a nosa primeira saída deste curso. 
Foi a Chan da Arquiña e gozamos dunha fermosa paisaxe de outono.

Teatro A Fundación

O luns, os nenos e nenas de primeiro e segundo curso fomos de excursión a Vigo. Foi un día cargado de aventuras. En primeiro lugar fomos ver o espectáculo de Mamá Cabra que nos ·cantou" sobre a importancia de compartir, de respectar e de rir. Encantáronnos os instrumentos, as cancións e maila historia.

Escribimos noticias en 2º

Visitamos o MARCO

Os nenos e nenas de segundo, acompañados dos nenos e nenas de terceiro, visitasmos o MARCO, o museo de arte contemporáneo.
Despois de visitalo escribímola noticia.
Pasámolo xenial!

Noticias visita 2º ao MARCO

Visita a Aula de Instrumentos Tradicionais de Moaña

Xavier Blanco ensinounos un monte de músicas que se poden facer con cunchas,froitos e canas:

Excursión ao río Barosa

O pasado xoves tivemos a sorte de visitar todo o colexio o Parque natural do río Barosa no concello de Barro.
Ao longo dese día fixemos diferentes actividades. Primeiro coñecimos o funcionamento dun  muíño e descubrimos que a orixe do ritmo das nosas muiñeiras está no ruido que fan as pedras do muíño ao traballar. Comentáronnos que ese ruído coñécese co nome de "petapouco".
 Despoís observamos como é un forno de leña antigo e os distintos tipos de semente que hai para facer fariña.
Tras un rato de descanso e a merendiña da mañá participamos nun taller de amasado de pan no que o pasamos fenomenal.
Máis tarde comimos á sombra das árbores e logo de descansar un anaco, pasamos a tarde con xogos.
Foi unha excursión divertidísima !!

                 

1º e 2º visitamos O Castro e Naturnova

Hai pouco máis dunha semana as clases de 1º e 2º  fixemos unha viaxe moi interesante,pois descubrimos as marabillosas vistas da ría de Vigo dende o Castro e coñecemos para que o utilizaban os antigos castrexos.
Despois da merenda no parque, dirixímonos a Naturnova onde estivemos, por exemplo, mergullándonos nun submarino para coñecer a vida nas profundidades da nosa ría; descubrindo os planetas ou coñecendo moitas curiosidades sobre as abellas e outros insectos.
Aquí vos deixamos algunhas fotos.

2º visitamos un planetario

Hoxe as nenas e nenos de 2º saímos a primeira hora ao colexio de Abelendo porque teñen instalado un planetario no ximnasio.

Fomos andando polos camiños entre as casas e tivemos que subir unha boa costa!







Ao chegar esperamos un pouquiño xogando. 

Nun dos muros do colexio tiñan un debuxo de Rosalía de Castro cunha das súas poesías.

Puidemos entrar no planetario cando estaba preparado.
Encantounos!!



Á saída xogamos outro pouco no patio.

1º e 2º na Fundación Barrié

O martes 2 de decembro as clases  de 1º e 2º fomos de excursión a Vigo á Fundación Barrié. Antes merendamos e xogamos nun parque infantil moi grande e despois subimos polas rúas de Vigo ata o edificio da fundación.

 

As monitoras ensináronnos  as salas dedicadas á exposición " Os pláticos na vida cotiá " e faláronnos do uso do plástico. Tamén, nos convertemos en arqueólogas e arqueólogos do futuro observando e debuxando restos de plásticos recollidos na praia.

Na clase traballamos sobre o que nos contaron e vimos e puxémolo en papel.