SAÍDA RIALDARCA

Ola a tod@s!!

Esta semana, os nenos e nenas de primeiro ciclo fomos dar un paseo por Rialdarca. De camiño, recollemos elementos da natureza para facer unha manualidade que pronto veredes... 💭

Ademais, puidemos merendar todos xuntos e xogar un ratiño no parque!

GALAXIAS

Ola a tod@s!!

Esta semana, os nenos e nenas de segundo, fixemos unha manualidade relacionada co proxecto do cole "Cando chega a noite".

Primeiro mesturamos nuns botes grandes auga cunha pouca de pintura. Logo, nun bote de cristal poñíamos algodón e lle botábamos enriba un pouco da mestura da pintura. Alternábamos con distintas cores ata que nos quedaron estas Galaxias tan bonitas.

SAMAÍN 2º

Ola a tod@s!!
Hoxe o pasamos en grande vendo as nosas cabazas iluminadas. Grazas as familias que colaboraron!

XOGO MR. POTATO

Ola a tod@s!!
Na clase de segundo divertímonos moito repasando o tema do corpo humano e a saúde. 
Fixemos un xogo por equipos, no que cada equipo que acertara unha pregunta, podía poñerlle unha parte do corpo ao seu "Mr. Potato".
Pasámolo xenial!

COMEZAMOS O NOSO PROXECTO...

 Polo Día das Bibliotecas Escolares vivimos un día moi especial na biblioteca de Quintela. Paco, a nosa mascota, preparounos unha sorpresa para dar comezo ao noso novo proxecto: "Cando chega a noite...".

Os nenos e nenas puideron gozar dun momento moi especial lendo contos á luz das lanternas, descubrindo que a biblioteca tamén pode ser un lugar máxico cando cae a noite. 

Pasámolo xenial e gozamos moitísimo desta experiencia tan diferente e divertida!

E isto non fixo máis que comezar… Cantas aventuras nos agardan cando chega a noite! 

DÍAS DAS BIBLIOTECAS ESCOLARES

Polo Día das Bibliotecas Escolares, Paco, a nosa mascota, preparou a biblioteca para dar comezo ao noso novo proxecto: «De noite».

Neste vídeo podemos ver como quedou preparada a biblioteca para que, durante a xornada de hoxe, os nenos e nenas puidesen achegarse aos novos contos e descubrir todo o que agocha a noite.

E isto non fixo máis que comezar… A noite acaba de chegar a Quintela! 

OBRADOIRO DE OUTUBRO

Ola a tod@s!!
Esta semana fixemos o noso primeiro obradoiro todos xuntos. Xogamos aos legos, ao xadrez, a xogos de mesa... Ademais, deixamos voar a nosa imaxinación cunha actividade que se chama "garabatos creativos". Quedáronnos uns debuxos moi chulos! 

APARATO RESPIRATORIO

Ola a tod@s!!

Esta semana, os nenos e nenas de segundo, fixemos unha maqueta do aparato respiratorio. Desta forma aprendemos moito mellor o seu funcionamento 👌

Lago Castiñeiras

 Este mércores 15 de outubro, a clase dos Lobos e das Lobas foi ouvear á contorna do Lago Castiñeiras.

Ademáis de pasar unha xornada de convivencia cos compañeiros e compañeiras de E.Infantil tamén vimos e aprendimos moitas cousas interensates:

Deixámosvos unhas fotiños:

 Unhas plantas moi interesantes. A primeira sabiamos que se chamaba toxo, pero aprendemos que a súa flor tamén ten nome: Chorima!

A segunda imaxe é un froito que non soubemos identificar.

Observamos o proceso de aprertura destas pequenas flores lilas que cubrían o chan. A medida que pasaba a mañá, que o sol ía subindo no ceo, as flores ían abrindo os seus pétalos invitando ás abellas a facer o seu traballo.

 

Vimos moitos animais: patos, lesmas e ata un grupo de cabalos salvaxes!

 

Visitamos a praza de abastos

 Incluída no programa "Coñece Moaña", impulsado polo Concello, os nenos e nenas de 1º de primaria  participaron na visita guiada pola asociación "Illa dos Ratos" á praza de abastos.

Foi xenial porque aprenderon moito, por exemplo:

-O peixe azul ten a aleta caudal en forma de frecha.

-O peixe branco ten a aleta recta.

-Os peixes planos son os que viven nos fondos mariños.

Tamén puidemos falar coas diferentes traballadoras da praza: peixeiras, carniceiras e froiteiras.

VAN GOGH

Ola a tod@s!!

Os nenos e nenas de segundo comezamos co proxecto do cole "Cando chega a noite...". Nós decidimos traballalo a través da arte. 

O primeiro artista que nos inspirou foi Van Gogh, coa súa "Noite estrelada".

Primeiro, pintamos uns pratos imitando a noite. Despois, con las de cores, fomos facendo remuíños, como facía Van Gogh no seu cadro. Quedounos unha manualidade ben chula!

Iniciamos Primaria

O grupo de primeiro de primaria empezamos o curso con moita enerxía e ganas de facer cousas. Aquí un pequeno resumo:

Coñecemos e xogamos con regletas:                                        Contamos cousiñas:

    

Xogamos coas letras:                                                                        Lemos e creamos:

Coñece segundo

O alumnado de segundo fixo un pequeno vídeo resumo contando como foi este curso, por se lle pode ser de interese aos compañeiros e compañeiras de primeiro, que pronto ocuparán o noso lugar.

VISITA A PRIMEIRO

 Dentro das actuacións do Plan de Acollida para favorecer a transición do alumnado de 6.º de Educación Infantil a Educación Primaria, realizamos unha visita á aula de 1.º curso.

Durante a actividade, o alumnado de 1.º preparou unha exposición na que nos mostrou e explicou diferentes aspectos da súa aula e da súa dinámica diaria: o material que utilizan, a organización do estoxo, onde gardan as mochilas, a biblioteca de aula, os xogos, as libretas, a distribución e almacenamento dos materiais escolares e das pinturas, así como as rutinas diarias, a asemblea e o horario escolar.

Este intercambio resultou moi enriquecedor, xa que permitiu achegar información de primeira man e reducir posibles medos ou incertezas.

Posteriormente, aproveitando que a aula estaba libre, o alumnado puido explorar o espazo, interactuar cos diferentes materiais e xogar libremente nel, favorecendo así unha primeira toma de contacto co que será a súa futura aula e contribuíndo a unha adaptación máis segura e positiva á nova etapa educativa.

Scratch JR

 O alumnado de segundo estivo investigando sobre algúns animais que viven en rexións específicas do mundo.

Ao rematar fixeron uns vídeos contándonos algunhas curiosidades sobre os mesmos.

Velaquí algúns.

FESTIVAL LETRAS GALEGAS

 

As matemáticas e as bandeiras

No cole aprendemos e xogamos! 

Despois de investigar e aprender sobre os continentes e diferentes países, tamén estivemos coloreando e construíndo bandeiras.

Despois calculamos canto valía cada unha delas. Foi moi divertido!

 

XOGADE

 Onte, as nenas e nenos de 1º e 2º estivemos nos coles de Reibón e Seara xogando, xunto con nenas e nenas doutros centros, a unha gran variedade de xogos. Pasámolo moi ben!

As macetas

Aos nenos e ás nenas de segundo encántalles plantar e coidar das súas plantiñas, tánto que ata traballaron para fabricarlles unhas macetas a medida, e iso foi moito traballo:

-Entraton na aula virtual.

-Entraron en Tinkercad.

-Pensaron e mediron cales debían ser as medidas.

 

Marcapáxinas 1º

 O alumnado de primeiro fixemos un marcapáxinas empregando a cortadora láser.

Primero fixemos o dexeño nun papel, despois o pasamos á biblioteca da cortadora láser e, por último, a gravar!