DigiCraft no teu cole. Augmented Class para facer realidade aumentada en 1°

Na aula de primeiro estivemos coloreando elementos relacionados cos vikingos, cargámolos na aplicación Augmented Class e, ao enfocalos coa tablet, pois fomos quen de velo en realidade aumentada! 

DigiCraft no teu cole. Chatbot e visita virtual ao museo Frida Kahlo na aula de 2º primaria

 O alumnado de 2º descubriu o funcionamento dun chatbot, xa que nos axudou a descubrir a identidade dunha artista moi coñecida. Logo de averiguar que se trataba de Frida Kahlo, visitamos o seu museo de xeito virtual, no que buscamos os cadros e prendas de roupa que tiñamos na ficha para devolverlles a súa cor.

Gustounos moito!

DigiCraft no teu cole. Realidade aumentada en 1° de primaria

 Os nenos e nenas coñeceron a aplicación QuiverMask. Pintaron as súas máscaras, pegáronnas na pizarra e, ao enfocalas coa tableta e colocarse diante delas, a máscara aparecía nas súas cabezas!

Digicraft no teu cole. Padlet na aula de 2°

 Que divertido foi aprender a clasificar as distintas cartas de extreterrestres na aplicación Padlet seguindo criterios como forma, complementos, extremidades...

DigiCraft no teu cole. Concepto de netiqueta en 2°

 Nesta sesión, o alumnado aprendeu cal é o comportamento correcto mentres navegamos por internet (concepto de netiqueta) movéndose por un espazo virtual intentando averiguar a identidade dun animal que tiña preocupada a unha aldea co son que emitía. Descubriron que cousas debemos e non debemos publicar a través das redes (fotografías sin permisos, imaxes da nosa vivenda, da rúa na que vivimos, o noso número de teléfono...)

Foi moi interesante todo o que falamos.

DIGICRAFT NO TEU COLE. PIRÁMIDE HOLOGRÁFICA EN 1°

 Na aula de 1º descubrimos o que é unha pirámide holográfica e cómo se utiliza. Proxectamos unha imaxe na pantalla (neste caso de Diodi) á que lle programamos movementos e puxemos disfraces a través da aplicación Scratch, para logo colocarlle a pirámide enriba e ver cómo a proxectaba en 3D no aire.

Encantounos!

DIGICRAFT NO TEU COLE. MERGE CUBE EN 1°

 Hoxe traballamos a realidade aumentada con xogos de derribar barreiras con superpoderes. As barreiras aparecían ao enfocar o merge cube coas tablets.

Gusto unos un montón!

DigiCraft no teu cole. Axudamos a Diodi na aula de 1º de primaria

 Nesta sesión, os nenos e nenas tivemos que prestar a nosa axuda a Diodi, a mascota do proxecto DigiCraft, para conseguir abrir un maletín que contén todo o material para traballar nas vindeiras sesións. O maletín estaba pechado cun cadeado e Diodi non lembraba o contrasinal. Para axudarlle, resolvemos unha serie de pistas que nos levaron a conseguir os números para abrir o cadeado. 

Gustounos moito!

DIGICRAFT NO TEU COLE. CÓDIGOS QR EN 1° E 2°

 Esta semana, o alumnado de 1º e 2º visitou virtualmente o Mueseo Carmen Thyssen, ubicado en Málaga, no que buscaron uns cadros que eles tiñan en papel pero sen cor, polo que puideron devolverlle a súa cor unha vez que viron como estaban pintados os do museo.

DIGICRAFT NO TEU COLE. CONCEPTO DE NETIQUETA E USO CORRECTO DOS DISPOSITIVOS EN 2°

 Aprendemos sobre a linguaxe empregada correctamente cando estamos nas redes e tamén sobre o uso axeitado dos dispositivos cando traballamos con eles.

DIGICRAFT NO TEU COLE. MINIXOGOS PARA TRABALLAR OCONCEPTO DE NETIQUETA E OUTROS EN 1º

A sesión de hoxe consistiu en facer diversos xogos nos que traballamos o uso correcto das tabletas, os virus que atacan aos dispositivos que temos e como afectan á información que temos gardada neles e tamén traballamos o concepto de netiqueta, de como se escribe correctamente cando enviamos mensaxes nos nosos dispositivos.

DIGICRAFT NO TEU COLE. APRENDEMOS SOBRE OS DEREITOS DE USO DA INFORMACIÓN COAS SPHERO MINI EN 2º

 

Nesta ocasión, aprendemos sobre o tratamento da información e as licencias xogando coas Sphero Mini.

Estivo xenial!

DIGICRAFT NO TEU COLE. ZOWI NA AULA DE 2°

Traballamos as matemáticas e a expresión corporal usando a zowi como un dado. Tocándolle na cabeza cun golpe suave, zowi dábanos un número co que avanzábamos no taboleiro logo de superar unha proba que nos pedía a tarxeta que levantavamos.

Pasámolo moi ben!

DIGICRAFT NO TEU COLE. VIDEOXOGO CON SCRATCH EN 1°

 

Nesta ocasión xogamos a un videoxogo creado con Scratch no que tiñamos que conseguir puntos e esquivar obstáculos pintados por nos na propia aplicación. Xogamos cunha marioneta que debuxamos nun papel e o pegamos nun lápis para poder xogar. Encantounos!!!!

DIGICRAFT NO TEU COLE. ORGANIZACIÓN DE ARQUIVOS EN 1°

 

Nesta sesión, os nenos e nenas aprenderon que a información nos dispostivos dixitais se pode almacear de moitas maneiras diversas e que todas son válidas mentres atopemos o que estamos buscando. Fixémolo mediante tarxetas e tamén a través dun conto, no que axudamos a Diodi a atopar uns cargadores extraviados.

DIGICRAFT NO TEU COLE. APRENDEMOS PROGRAMACIÓN CON ZOWI NA AULA DE 2º

Na aula de 2º estivemos traballando a linguaxe de programación cos Zowi. Primeiro vimos un video de Zowi bailando para a continuación colocar as nosas tarxetas de movemento nas mesas. Unha vez feito iso, introducimos os movementos na aplicación de Zowi nas tabletas e fixemos bailar os robots ao mesmo ritmo que o video.

Gustounos moito!

 

DIGICRAFT NO TEU COLE. SPECTACULAR EN 1°

 Nesta sesión, os nenos e nenas traballaron no descubrimento da imaxe dun animal coas pistas que se lle daban e iamos metendo no buscador de Google (traballando así o concepto de palabras clave). Unha vez descuberto o animal, pois pintaron en papel a máscara dese animal e, ao enfocalo coa aplicación QuiverMask nas tabletas e colocarse eles diante, pois a máscara cubría as súas caras. Pareceulles fermosísima!

DIGICRAFT NO TEU COLE. AUGMENTED CLASS EN 1°

 Nesta sesión, o alumnado traballou a realidade aumentada a través da aplicación Augmented Class. Pintaron debuxos sobre elementos vikingos e logo, ao cargalos na aplicación e enfocalos coa tableta, proxectábanse en 3D. Tamén xogaron dixitalmente a clasificar os distintos debuxos que plantexaba a aplicación nas carpetas correspondentes.

Gustoulles moito!

DIGICRAFT NO TEU COLE. ASISTENTE DE GOOGLE EN 2º DE PRIMARIA

 Nesta sesión, o alumnado estivo traballando co asistente de Google, que lles narraba un conto e eles, mediante frechas que eles recortaron e pegaron nuns paus, decidían os derroteiros polos que continuar a historia.

Estivo moi ben!

DIGICRAFT NO TEU COLE. METEVARSE E CÓDIGOS QR EN 1º

 

Este curso, o alumnado de 1º entra dentro do proxecto DigiCraft no teu cole, no que a Fundación Vodafone, en colaboración co AMTEGA, proporciona unha serie de materiais para que os nosos nenos e nenas mellores e sean competentes no ámbito dixital.

O proxecto consta de dúas partes, unha de realidade aumentada e videoxogos, e outra de intelixencia artificial e robótica. Traballamos cada semana na sesión Tic para alcanzar os obxectivos propostos.

A primeira sesión que fixemos foi sobrea realidade aumentada coa aplicación metaverse e o escaneo de códigos QR.

Encantoulles!!!!