Marcapáxinas 1º

 O alumnado de primeiro fixemos un marcapáxinas empregando a cortadora láser.

Primero fixemos o dexeño nun papel, despois o pasamos á biblioteca da cortadora láser e, por último, a gravar! 

Circuitos eléctricos e linguaxe de programación

 O alumnado de 1º e 2º de primaria estivo traballando o corpo humano na materia de ciencias. Remataron poñendo un  led simulando un corazón na silueta dun corpo humano e tamén xogaron cos ratos robot programando os seus movementos para levalo ata distintos códigos QR e así visualizar videos sobre a parte do corpo correspondente.

Aprenderon moito e, sobre todo, pasáronno xenial.

Presentación do alumnado de 1º e 2º

 Os nenos e nenas de 1º e 2º fixeron unha presentación usando a aplicación Chatter Kids. Quedoulles moi simpática!

Unha medalla para Kathy

 A clase de primeiro quixemos agradecer a profe Kathy o traballo que realizou na olimpiada. Deseñamos en papel unha medalla para a que tivemos que tomar diferentes medidas e cálculos. De todos os deseños, votamos cal nos gustaba máis para levar á impresora 3D. Deseñamos o modelo, imprimímolo, pintámolo e puxémoslle unha cinta para regalarlla a Kathy.

Quedou encantada!

Impresión 3D na aula de segundo

 Os nenos e nenas de 2º estamos encantados coa impresión 3D. Logo de facer unhas fermosas flores para agasallar aos nosos padriños e madriñas lectores polo Día da Poesía, deseñamos (primeiro nas pizarras e logo no programa Doodle 3D) e imprimimos unha figura para levar a casa.

Quedaron cousas moi fermosas.

Impresión 3D para o Día da Poesía en 2º

Moi fermosas as flores que fixeron as nenas e nenos de 2º de primaria para agasallar, xunto cun poema, aos seus padriños e madriñas lectores no Día da Poesía.

Empregaron a aplicación Doodle 3D para diseñar, pasaron os diseños á impresora 3D e puxéronse a imprimir. Por último, metidas nun sobre, deron unha flor e un poema a cada padriño e madriña lector.

Pensamento computacional e linguaxe de programación en 1º

 Canto aprendemos e traballamos cos robots que temos na biblio. Estivemos levando aos nosos robots ata os queixos que lle colocamos pola cuadrícula, escribindo previamente o percorrido que tiñan que facer nun papel e a través de frechas.

Foi moi divertido!

Recantos en 2° de primaria

 Hoxe, tivemos tempo para xogar e relaxarnos coas nosas compañeiras e compañeiros desfrutando dos distintos xogos que temos na aula. Houbo quen pintou, quen escribiu no seu diario ou na axenda, tamén houbo persoas que xogaron ás cartas, coas osmo...

Foi un momento moi agradable...

Recantos STEAM na biblio para 2° de primaria

 Seguimos aprendendo moito nos distintos recantos que temos na biblio. Canto nos gusta entrar na aula virtual e facer actividades das distintas materias, pero non nos gustan menos os retos de Scratch e os xogos coas Osmo. O Concept Kids tamén nos ten moi entretidos.

Inglés e impresora 3D en 2°

 O alumnado de 2º estivo aprendendo sobre o fogar nas clases de inglés. Crearon unha casa e puxeron os nomes das distintas cousas que podemos atopar nunha imprimíndoos coa impresora 3D. Empregaron o programa Tinkercad para a elaboración e diseño.

Moi bo traballo rapaces!

Ciencias da natureza en 1°

 Hoxe, estivemos curioseando sobre como é o noso corpo por dentro. Fixémolo coa camiseta e a aplicación Magic T-Shirt.

Descubrimos que temos costelas que protexen ao corazón, vimos un “guisante” que resulta que é a vesícula, tamén pensamos que os intestinos eran vermes….. En fin…. Aprendemos unha morea de cousas e rimos moito!

Traballamos nos recantos da biblio en 2° de primaria

 Estivemos aprendendo a manexar a aula virtual, traballamos retos con Scratch, aprendemos a xogar co Robot Turtles, xogamos coa Osmo e tamén aprendemos as normas do Concept.

Impresión 3D na aula de 1°

 Que traballo tan fermoso fixo o alumnado de 1º coa impresora 3D. Imprimiron o seu nome e fixeron un chaveiro con el.  Deseñaron nun papel un recadro coas medidas que querían que tivese o seu nome, escribiron no programa Tinkercad poñendo as medidas que tiña que ter o nome e, posteriormente, pasaron á impresora para ver o resultado do que diseñaron.

Cando xa estiveron todos os nomes impresos, foron pola biblioteca a recollelos para levalos para casa. 

Parabéns por este marabilloso traballo!

2° aprende xadrez e tamén fai retos con Scratch

 O alumnado de segundo enfréntase a distintos retos na programación con Scratch Jr. Xa teñen moi traballada a competencia dixital, así como o pensamento computacional e a linguaxe de programación.

Tamén están moi i teresados en aprender a xogar ao Xadrez! 

Son moi curiosos e curiosas nesta aula!

Segundo nos recantos da biblio

 Encántanos xogar e aprender nos recantos da biblio. Rotamos polas estacións das osmo, construcións, Lego e ratos robot.

Pensamento computacional e matemáticas en 1°

 Na aula de 1º descubrimos as Osmo Numbers e a aplicación Scratch Junior, que nos permiten traballar mates e pensamento computacional dun xeito moi lúdico. 

Encantounos!

Coñecemos o programa de deseño para a impresora 3D en 2°

 Os nenos e nenas de 2º estamos a deseñar os nosos nomes na aplicación Tinkercad para logo imprimilos na impresora 3D. 

Coñecemos a aplicación Strip Design en 1° de primaria

 Este curso, o alumnado de 1° estamos a coñecer e traballar coa aplicación Strip Design que nos permite elaborar banda deseñada en formato dixital. Gústanos moito!

Os ratos robot na aula de 1°

 Como nos gusta aprender xogando cos ratos robot. Traballamos as sumas en mate e a asociación de palabras con imaxes en lingua empregando estes ratos tan simpáticos.

Matemáticas, lingua e ciencias con Scratch Junior en 2º

 Os nenos e nenas de 2º estivemos aprendendo en ciencias sobre os gatos. Aplicamos o que investigamos creando unhas escenas no programa Scratch Junior, nas que creamos diálogos co contido traballado.

Fixémolo en pequenos grupos, uns traballabamos matemáticas cunha ficha de conteo e outros coas tabletas.