Festival Letras Galegas

1º de primaria: "Piratas"

2º de primaria: "Todo é un conto"

As familias contan en 2º de Primaria

 Onte acompañounos Inma, mamá de Inés e Ana. Leunos o conto Las princesas también se tiran pedos, co que pasamos un rato moi divertido. Grazas por visitarnos un día máis!

As familias contan en 2º de Primaria

 O luns acompañounos Silvia, mamá de Dani, e xuntos léronnos o conto “Te quiero (casi siempre)”. Moitas grazas 😊

Saída á praza de abastos de Moaña.

 A semana pasada, a clase das orcas saíu do cole para visitar os diferentes postos da praza de abastos de Moaña. Velaquí un breve resumo:

Os recantos da biblio

Como nos gusta desfrutar dos recantos da biblio na aula de 2º!

As familias contan en 2º

 O mércores tivemos unha visita moi especial con doble conto. Os pais de Chloe deleitáronnos os sentidos coas historias Una cena monstruosa e Un regalo monstruoso. Grazas familia pola vosa colaboración!

As familias contan en 2º de Primaria

Hoxe tivemos na clase de segundo a Eduardo, pai de Iohanna, para lernos un conto e coñecer a historia do Xigante egoísta.

 Grazas, Eduardo!

As familias contan en 2º de Primaria

  Hoxe tivemos na clase de segundo a Jeni, mamá de Dani, para lernos un conto e coñecer a historia de Monstro Azul. Grazas, Jeni! 

Circuitos eléctricos en papel na aula de 1° e 2°

 

O alumnado de 1º e 2º estivemos traballando os circuitos eléctricos en papel con leds aproveitando o mes do libro.

Fixemos un circuito cun led, cobre e unha batería. A continuación debuxamos un personaxe ou algunha escena do noso libro favorito.

Quedaron moi chulos!

CONTACONTOS

Este mércores, os nenos e nenas de 4º, 5º e 6º de Infantil e 1º e 2º de Primaria fomos ó auditorio do Centro cultural Daniel Castelao e gozamos cos  "Contos a pé da rúa"  de Caxoto. Esta actividade é unha máis das organizadas para celebrar O día do Libro.

 

Plantamos na horta

 Os nenos e nenas de 1º e 2º estivemos plantando na horta unhas leitugas. Con moito coidado fixemos un buratiño, botamos abono e con moitisimo agarimo, plantámolas. E despois, coa regadeira, a regar!

2° cosendo en cartón

 

Na clase de 2º iniciamos un novo recanto: costura!

Cosemos sobre cartón. É un xeito moi chulo de reutilizalos. Nestes cartóns, as profes, fan diferentes debuxos e perfóranos para que nós o teñamos máis doado.  Logo,podemos animarnos a decoralos máis, ben con máis fíos ou ben con rotus. A costura pode servirnos para desenvolver a nosa creatividade, para mellorar a nosa motricidade e, por suposto, relaxarnos e gozar!

Preparamos a horta

 En 1º e 2º, estivemos traballando moito na horta. Quitamos as herbas e removemos a terra, porque na vindeira semana, plantaremos 

 

En 1° xogamos nos recantos da biblio

 Hoxe, as nenas e nenos de 1° xogamos nos distintos recantos da biblio. Tiñamos moitas ganas de explorar e aprender co material que alí hai.

Pasámolo xenial!

Mes da poesía en 1º

Na clase de música, celebraron tamén o mes da poesía, cantando un poema de María Victoria Moreno, con música de Susa Herrera.

 

Mes da poesía na aula de 2°

Na clase de música de 2º, estivemos cantando un poema de Antonio García Teijeiro, con música de Susa Herrera. É un poema ben lindo. Esperamos que vos guste!

OS SOLPORES

 

Os solpores teñen ollos

negros, grises e vermellos,

que aloumiñan as mociñas,

os rapaces e os máis vellos.

Lalai lalailai, lalai lalala…

 

Os solpores teñen ollos,

misteriosos, mentireiros,

que deitan o seu rubor

encol dos soños baleiros.

Lalai lalailai, lalai lalala…

 

Os solpores teñen ollos,

solermiños, rebuldeiros,

que danzan coa paisaxe

nos veráns e nos invernos.

Lalai lalailai, lalai lalala…

 

Os solpores teñen ollos

inspirando mil historias

que acontecen nas aldeas,

nas montañas e nas costas.

Lalai lalailai, lalai lalala…

Matemáticas manipulativas en 2º de primaria

 Que divertido traballar cos xeoplanos formando figuras xeométricas con gomas. Traballamos os vértices, os lados en común...

Estivemos moi entretidos e aprendemos un montón!

Plantamos árbores autóctonas

Hoxe estivemos plantando árbores autóctonas no monte de Domaio. Foi unha actividade realizada coa Comunidade De Montes de Domaio, en colaboración co Concello, dentro del programa Aprende Moaña

Xogamos con material de refugallo en E.F.

En E.F. traballamos e damos importancia ao uso de materiais de refugallo para coidar o planeta. Divertímonos moito!

Visitamos o Museo do Mar

 O mércores, visitamos o Museo do Mar. Puidemos coñecer moitos animais mariños. Vimos o acuario, e mesmo o esquelete dun cachalote! E aínda quedou un tempiño para xogar na praia.

DigiCraft no teu cole. Augmented Class para facer realidade aumentada en 1°

Na aula de primeiro estivemos coloreando elementos relacionados cos vikingos, cargámolos na aplicación Augmented Class e, ao enfocalos coa tablet, pois fomos quen de velo en realidade aumentada! 

Lectura compartida

 

Hoxe as nenas e nenos de sexto e segundo compartimos a hora de ler na biblioteca coa actividade amigos/as lectores/as. Nesta sesión a dinámica mudou un pouco e  fomos os pequenos os que lles contamos aos maiores. 

Escornabot e rato robot en 1°

 Que divertido traballar a linguaxe de programación e o pensamento computacional cos rato robot e os Escornabot.

Escornabot, ratos robot e Osmo Coding en 2º de primaria

 Na clase de 2º estamos a traballar a linguaxe de programación e o pensamento computacional empregando diverso material como son as Osmo Coding, os ratos robot e os Escornabots.

Moito nos gusta traballar con eles!

DigiCraft no teu cole. Chatbot e visita virtual ao museo Frida Kahlo na aula de 2º primaria

 O alumnado de 2º descubriu o funcionamento dun chatbot, xa que nos axudou a descubrir a identidade dunha artista moi coñecida. Logo de averiguar que se trataba de Frida Kahlo, visitamos o seu museo de xeito virtual, no que buscamos os cadros e prendas de roupa que tiñamos na ficha para devolverlles a súa cor.

Gustounos moito!

DigiCraft no teu cole. Realidade aumentada en 1° de primaria

 Os nenos e nenas coñeceron a aplicación QuiverMask. Pintaron as súas máscaras, pegáronnas na pizarra e, ao enfocalas coa tableta e colocarse diante delas, a máscara aparecía nas súas cabezas!

Monthly English Challenge - March!

Novo mes e novo reto de Inglés. Xa que o mes e o trimestre acaba coas vacacións de Semana Santa e Pascua, o reto é seguir esta manualidade paso por paso, ou step by step, para facer Easter Bunnies (Coelliños de Pascua). Cando estén listos, pedímosvos que os traiades ao cole para decorar as aulas. Grazas unha vez máis pola vosa colaboración! Happy Easter!

Carnival Crepes!

O reto de Inglés do mes pasado foi facer 'Carnival Crepes', ou o que é o mesmo, 'Filloas de Entroido'. Para iso, tiveron que seguir unha receita publicada no blog. Os nosos reposteiros e reposteiras do cole puxéronse mans á obra, e coa axuda da familia, fixeron estas delicias. Well done everyone!

Aquí tedes o link da receita por se queredes facela ou repetila. Dixéronme que estaban boísimas! 

Entroido 2023

 Os piratas de 1º e 2º de Primaria cantaron a copla  e pasaron un divertido Entroido!!!

Digicraft no teu cole. Padlet na aula de 2°

 Que divertido foi aprender a clasificar as distintas cartas de extreterrestres na aplicación Padlet seguindo criterios como forma, complementos, extremidades...

AS BATEAS

Este curso o proxecto do cole é "O Mar", polo que invitamos a dúas familias da nosa comunidade que traballan no sector para que compartiran con nós os seus coñecementos e as súas vivenzas.

Grazas a Mario e Adrián por compartir o seu tempo e as súas experiencias. As familias sodes unha gran fonte de aprendizaxe para nós.

 

Educación Física en 1° e 2°

 Traballamos os saltos empregando os números do dado para avanzar nas cuadrículas que temos no chan na aula de 2° e cruzando un río cheo de pirañas pasando de aro en aro na aula de 1°.

Foi moi divertido!

Obradoiro de Circuitos de papel con Led con Paola Guimeráns

 Hoxe tivemos un día moi especial. Visitounos Paola Guimeráns e ensinounos a facer circuitos con luces Led en papel.

Na aula de 2º creamos un persoaxe ao que se lle acendía o nariz e eles tiñan que inventar unha historia contando o motivo polo que o nariz alumeaba e debuxarlle un amigo ou amiga.

 

Na aula de 1º pintamos e recortamos unha casiña e logo creamos un circuito eléctrico para que se iluninase por dentro cando a pegamos no papel.

Grazas Paola por ensinarnos tanto!

DigiCraft no teu cole. Concepto de netiqueta en 2°

 Nesta sesión, o alumnado aprendeu cal é o comportamento correcto mentres navegamos por internet (concepto de netiqueta) movéndose por un espazo virtual intentando averiguar a identidade dun animal que tiña preocupada a unha aldea co son que emitía. Descubriron que cousas debemos e non debemos publicar a través das redes (fotografías sin permisos, imaxes da nosa vivenda, da rúa na que vivimos, o noso número de teléfono...)

Foi moi interesante todo o que falamos.

February English Challenge

Bos días familias! Aproveitando a ocasión do Entroido, o reto que vos propoñemos este mes dende a área de inglés é facer ‘Carnival crepes’, e dicir, filloas de Entroido. Tedes a receita a continuación. Esperamos que disfrutedes moito este novo desafío!

Hora de ler en 1º

Que gustazo que nos lean ao sol. A profe Mayca leunos o conto "Como lavar a un mamut lanudo" que nos encantou.

 

DÍA DA PAZ

 Polo Día da Paz, recibimos a visita da Fundación Provincial do Banco de Alimentos de Vigo, que teñen como principal obxetivo axudar aos máis vulnerables, a través de colectivos sociais, ONGs, etc.

Visitáronnos dúas voluntarias da asociación e explicaron ao alumnado cal é a súa función e como podemos axudar.

Para a ocasión organizouse unha campaña de recollida de alimentos na que participou toda a comunidade educativa.

Grazas a todas as familias pola vosa colaboración e implicación!!!

DigiCraft no teu cole. Códigos QR e realidade aumentada na aula de 1º de primaria

 

Este curso, os nenos e nenas de 1º están traballando no proxecto DigiCraft, destinado a mellorar a competencia dixital no alumnado.

Nesta sesión, traballamos buscando información sobre dinosaurios a través de códigos QR que nos permitían velos en realidade aumentada. Anotamos os datos nunha ficha e debuxamos as súas pegadas.

Gustoulles moito!

DigiCraft no teu cole. Placas Makey Makey en 2º de primaria

 Na aula de 2º traballamos sobre o concepto de virus nos dispositivos electrónicos e no dano que ocasionan cando entran neles.

A continuación fixemos un xogo coas placas makey makey nas que tiñamos que quitar da pantalla do noso dispositivo todos os virus que o estaban contaminando.

Pasámolo xenial!

Guess the present! Adiviñamos os nosos agasallos do Nadal na aula de inglés.

Non hai dúbida de que a todos nos encanta falar dos regalos que recibimos durante as vacacións do Nadal! Por iso, na aula de Inglés, fixemos un xogo para adiviñar o que Santa Claus e os Tres Reis Magos nos trouxeron. 

As instrucións eran sinxelas: volver a empaquetar o noso agasallo favorito en papel de regalo e preparar 3 pistas en inglés para que os demais intenten adiviñar o seu contido. O resultado foi o seguinte:

Pasámolo xenial e adiviñámolos todos, aínda que algún precisou algunha pista extra! Gracias as nosas familias molonas pola vosa colaboración! 

Que gusto aprender matemáticas na aula de 2°

 Os nenos e nenas de 2° traballamos a medida lanzando avións  de papel feitos por nós.  Medimos a distancia acadada coa cinta métrica e anotamos os resultados na ficha de rexistro. Por último, na clase, calculamos o total dos diferentes equipos e comparámolos nunha gráfica de barras.

Que divertido foi!

Os maiores axudan aos pequenos de 1° de primaria a facer a postal de Nadal

 Que postais para felicitar o Nadal tan fermosas fixeron os nenos e nenas de 1° coa axuda dos maiores do cole, os nenos e nenas de 6° de primaria. Que pracer volver compartir momentos…