Panxoliña para os Reis Magos de 1° e 2°

 Que contentos quedaron os Reis Magos coas panxoliñas que lles cantaron e bailaron os nenos e nenas de 1º e 2º, os cales recibiron uns agasallos e caramelos.

Postais Nadal de 1º e 2º de primaria

 Que fermosas tarxetas fixeron os nenos e nenas de 1º e 2º coa aplicación Paint para desexarnos un Bo Nadal e unhas felices festas.

1º visita a escola infantil do Con

 

Hoxe visitamos a Escola Infantil O Con. Os nenos e nenas que viñan de alí, emocionáronse visitando a súa anterior escola e presentando aos novos amigos e amigas de Quintela. Pasámolo moi ben! Cantamos para eles Tres reis en bicicleta, do libro Xa me tardan estes magos. Eles tamén cantaron para nós outra panxoliña, e despois cantamos xuntos.

Festa de Nadal

Xa quedan poucos días para a festa de Nadal.

A clase de segundo elaborou estes orixinais carteis que anuncian o programa para o día 22 de decembro.

Quedaron fermosos!! Bo traballo!!

Xornada de Sensibilización DOWN

 O pasado martes recibimos na escola aos representantes de  Xuntos, que traballa para a integración desde a Asociación DOWN de Pontevedra. Nesta xornada de sensibilización participamos nunha sesión de contacontos. Contáronnos o conto da cebra e o seu paraugas multicolor. Vaia sorpresa cando apareceu a cebra de verdade!

 Gustáronnos moito!

Moitas grazas Xuntos!

2º canta a súa panxoliña aos nenos e nenas da Galiña Azul

 

Visitamos  A galiña azul, a Escola Infantil que está ao lado do cole de Quintela. Foi moi emocionante, porque algúns nenos e nenas foran alí cando eran pequenos. Cantamos a panxoliña, A luz do Nadal, do libro Xa me tardan estes magos. O texto desta canción é de Antonio García Teijeiro. Despois de cantar, convidáronnos a unha merendiña

Obradoiro de cociña na sesión de inglés

Hoxe, os nenos e nenas de 1° e 2° elaboraron as súas galletiñas do Nadal nun taller de cooking coa profe Noe. Tras varios días lendo e traballando o conto ‘The Gingerbread Man’ na clase de inglés, os nosos pequenos cociñeiros e cociñeiras puxéronse mans a obra para facer estas cookies tan famosas e típicas desta época do ano. Tende coidado na casa se facedes esta receita, os Gingerbread Man acostuman saír correndo en canto abrimos o forno. 

‘Run, run, as fast as you can. You can’t catch me, I am the Gingerbread Man.’

CONMEMORACIÓN DO 25N

 

Hoxe conmemoramos o 25 N no cole. Fixemos uns murais entre todos os nenos e nenas do cole, pegando fotos dun neno e unha nena cunha palabra pegada sobre un fondo morado. Saíron palabras moi fermosas como amizade, amor, respecto...

Aquí deixamos un pequeno resumo da xornada.

MAGOSTO

Amigos e amigas lectoras

Os nenos e nenas de primeiro tivemos  a gran sorte coñecer e de compartir un momento da xornada co alumnado de quinto.  

Foi  unha hora de ler moi especial. Mirade as fotos e xulgade vós mesmos¡

DigiCraft no teu cole. Placas Makey Makey en 2° de primaria

 

Na aula de 2º retomamos o traballo iniciado no curso anterior dentro do proxecto DigiCraft no teu cole. Fixemos un xilófono con cartolina e papel de alumnio para conectalo ás placas Makey Makey e así crear son ao escanear un código QR e abrir un programa creado con Scratch. 

Gustounos moito!

Plantamos bulbos de outono

Hoxe plantamos bulbos de outono! Foron xacintos e narcisos. Igual parece algo sinxelo, pero traballamos moito. Eleximos en equipos o bulbo que queríamos plantar, botamos terra nas macetas entre todos e todas, puxemos dentro o bulbo con moito agarimo e regamos. Xa iremos contando como van medrando!

Nós somos os nenos e nenas de 1º e gústanos...

 Aquí deixamos un traballo feito polos nenos e nenas de 1º coa aplicación ChatterKid, na que sobre un debuxo feito por eles e coa súa cara pegada, gravaron a súa voz. 

Quedoulles moi fermoso!

Samaín

 Mirade que cabazas tan chulas fixemos coa colaboración das nosas familias! A nosa exposición de cabazas é fermosísima e... dá moito meeeedo!

Programamos na aula de 2°

 Nestes primeiros días de Tic's, os nenos e nenas de 2º estivemos xogando coas Osmo e cos ratos robot, programando os movementos para avanzar polo espazo.

Canto nos gustan este tipo de actividades!

Os nenos e nenas de 1° xogan co rato robot

 Estos días en Tic's, os nenos e nenas de 1º estiveron descubrindo os ratos robot e xogando con eles. Traballamos a iniciación a linguaxe de programación dun xeito lúdico en pequenos grupos. Resultou moi atractiva para eles!

1º coñece a aplicación Quiver

 Os nenos e nenas de 1º estivemos coloreando uns debuxos para, unha vez rematados, proxectar en 3D coa aplicación Quiver nos Ipad. Gustounos moito e sabedes que? Xogamos con eles! 

Saída á exposición do mar.

Queridas familias:

Deixámosvos aquí un pequeno resumo da primeira saída de este ano, a visita á exposición do mar onde tantas cousas aprendemos. Foi interesantísima!

Esperamos poder repetir experiencias tan chulas coma esta.

Saúdo de primeiro

 Os nenos e as nenas de primeiro queremos saúdar este novo curso que comeza e a nova etapa que iniciamos na primaria.

Estamos moi felices e esperamos apreder moito!

Comezamos segundo!

 

Os nenos e nenas de segundo estamos moi ilusionados co novo curso e queremos compartilo con vós. Para emprender esta emocionante aventura eliximos o nome para a nosa aula e seremos...

A CLASE DOS TIBURÓNS!

                        Saúdos!

Recollemos leitugas

 Onte puidemos recoller as leitugas que plantamos o mes pasado. Estaban ben  fermosas!

Corpos xeométricos na clase de 2º

 Onte, a clase de 2º, estivemos experimentando cómo facer pirámides, prismas e cubos con palillos e plastilina. 

Mirade que ben nos quedaron!

Coidando a horta

 Esta mañán , a clase de 2º, estivemos quitando as mala herbas da horta.

Deixamos limpiñas as leitugas.

1° coñece o Taekwondo da man do ximnasio HEBE

 Noe e Jaco, entrenadores e mestres do Club de Taekwondo HEBE, visitaron aos nenos e nenas de 1°, dentro do programa da Xunta “Coñece o meu clube”para ensiñarlles unha morea de cousas sobre este deporte.

Pasáronno Xenial!

Grasas Noe e Jaco por ensinarnos tanto.

Visitamos o Mercado de Moaña

 O venres fomos de excursión para visitar o Mercado. Foi unha actividade organizada polo Concello dentro do programa Aprende Moaña. Ademais, xogamos no parque do barco pirata e merendamos por alí. Pasámolo moi ben!

Traballo de linguaxe de programación en 2º

 Moito nos divertimos cos Osmo Coding e cos xogos de mesa nos que traballamos o pensamento computacional e a linguaxe de programación.

Linguaxe de programación en 1° de primaria

 Na aula de 1º seguimos cos xogos que nos introducen á linguaxe de programación. Encántannos!

Obradoiro de pan

 Ruth visitounos para facer un obradoiro de pan. Saíunos riquísimo e pasámolo moi ben preparándoo.

Festival das Letras Galegas

Aquí están os vídeos do festival das Letras Galegas 1º cantou e bailou a canción O raposo, do libro Cantos animais de Susa Herrera

   

2º representou o teatro Corre, corre cabaciña, arranxado pola profe Inés

  

PLANTAMOS AS LEITUGAS NA HORTA

  Un ano máis, o alumnado de 1º e 2º de primaria participou na plantación na horta escolar, dentro do programa Voz Natura. Plantaron as súas leitugas e agora toca regalas e esperar a que medren para recollelas.

1° e2° en Castrelos

Qué ben o pasamos en Castrelos e canto aprendimos no museo “Quiñones de León”!

Tamén puidemos ver os xardíns do pazo, o inglés e o francés, e pasear polo laberinto.

DigiCraft no teu cole. Tradutor en 1° de primaria

 

Na sesión de hoxe traballamos co tradutor. Tiñan que colorear uns obxectos pero estaban escritos en idiomas que non eran o español, polo que tivemos que utilizar a aplicación tradutor para descubrir o significado das palabras.

Foi moi interesante!

Escornabot e matemáticas en 2°

 Aprendemos a movernos pola táboa do 100 coñecendo veciños e amigos dos dintintos números aplicando o método ABN.

1° e a linguaxe de programación cos ratos robot

 

Os nenos e nenas  traballamos a linguaxe de programación cos ratos robot. Aprendemos a colocar as tarxetas correctamente para, a continuación, meter os movementos nos ratos e levalos ao seu destino.

Brais das Hortas

O mércores pasado visitounos Brais das Hortas, un papá deste cole que nos fixo disfrutar moito con todos os instrumentos musicais que trouxo.

Vimos instrumentos que non coñeciamos, doutros países, pero tamén recoñecimos outros que algúns tiñamos nas nosas casas. Incluso aprendimos como se pode facer un cun cubo e precinto!

Moitas grazas por todo, Brais

2° prantamos bulbos

Esta mañán, a clase de segundo, estivemos prantando bulbos debaixo das escaleiras . 

Cando medren quedará moi bonito.

1º e 2º aprendemos sobre as abella

 Onte, na biblioteca, as clases de 1º e 2º puidemos asistir a unha charla sobre as abellas.

Dani contounos moitas cousas interesantes sobre a súa vida na colmea e sobre o seu comportamento.

Tamén puidemos probar un pouco de mel e de polen. 

Moitas grazas, Dani  

Celebración do "Día da Danza"

 Con motivo do "Día da Danza" o colexio faremos unha danza conxunta.

O venres pasado comezamos o ensaio.

Manolo ensinounos pasos chulísimos e estivemos encantadas e encantados de practicalos.

Celebración do "Día do Libro"

 Con motivo da celebración do "Día do Libro" o pasado venres puidemos ver unha obra titulada 

"Casa, casiña, casona" da compañía de teatro "Trompa de Trapo".

Foi unha representación realmente bonita que nos fixo disfrutar moito.

Aprendemos conceptos básicos de programación en 2° de primaria

 Na clase de 2° estivemos xogando con diversos xogos, entre eles, varios sobre codificación, como o turttles, bits & bytes, Osmo coding.

Gustáronnos moito!

DIGICRAFT NO TEU COLE. PIRÁMIDE HOLOGRÁFICA EN 1°

 Na aula de 1º descubrimos o que é unha pirámide holográfica e cómo se utiliza. Proxectamos unha imaxe na pantalla (neste caso de Diodi) á que lle programamos movementos e puxemos disfraces a través da aplicación Scratch, para logo colocarlle a pirámide enriba e ver cómo a proxectaba en 3D no aire.

Encantounos!