Coñece segundo

O alumnado de segundo fixo un pequeno vídeo resumo contando como foi este curso, por se lle pode ser de interese aos compañeiros e compañeiras de primeiro, que pronto ocuparán o noso lugar.

VISITA A PRIMEIRO

 Dentro das actuacións do Plan de Acollida para favorecer a transición do alumnado de 6.º de Educación Infantil a Educación Primaria, realizamos unha visita á aula de 1.º curso.

Durante a actividade, o alumnado de 1.º preparou unha exposición na que nos mostrou e explicou diferentes aspectos da súa aula e da súa dinámica diaria: o material que utilizan, a organización do estoxo, onde gardan as mochilas, a biblioteca de aula, os xogos, as libretas, a distribución e almacenamento dos materiais escolares e das pinturas, así como as rutinas diarias, a asemblea e o horario escolar.

Este intercambio resultou moi enriquecedor, xa que permitiu achegar información de primeira man e reducir posibles medos ou incertezas.

Posteriormente, aproveitando que a aula estaba libre, o alumnado puido explorar o espazo, interactuar cos diferentes materiais e xogar libremente nel, favorecendo así unha primeira toma de contacto co que será a súa futura aula e contribuíndo a unha adaptación máis segura e positiva á nova etapa educativa.

Scratch JR

 O alumnado de segundo estivo investigando sobre algúns animais que viven en rexións específicas do mundo.

Ao rematar fixeron uns vídeos contándonos algunhas curiosidades sobre os mesmos.

Velaquí algúns.

FESTIVAL LETRAS GALEGAS

 

As matemáticas e as bandeiras

No cole aprendemos e xogamos! 

Despois de investigar e aprender sobre os continentes e diferentes países, tamén estivemos coloreando e construíndo bandeiras.

Despois calculamos canto valía cada unha delas. Foi moi divertido!

 

XOGADE

 Onte, as nenas e nenos de 1º e 2º estivemos nos coles de Reibón e Seara xogando, xunto con nenas e nenas doutros centros, a unha gran variedade de xogos. Pasámolo moi ben!

As macetas

Aos nenos e ás nenas de segundo encántalles plantar e coidar das súas plantiñas, tánto que ata traballaron para fabricarlles unhas macetas a medida, e iso foi moito traballo:

-Entraton na aula virtual.

-Entraron en Tinkercad.

-Pensaron e mediron cales debían ser as medidas.

 

Marcapáxinas 1º

 O alumnado de primeiro fixemos un marcapáxinas empregando a cortadora láser.

Primero fixemos o dexeño nun papel, despois o pasamos á biblioteca da cortadora láser e, por último, a gravar! 

Separar para reciclar

Aínda que no cole temos clarísimo que para un mundo máis limpo e máis agradable o que debemos facer é reducir resíduos, tamén sabemos que, unha vez xenerados, debemos separar correctamente refugallos. 

23 de abril. Día do Libro

Os padriños e madriñas lectores desfrutaron dunha lectura mutua, de contos teatralizados e de momentos moi especiais na biblioteca.

Día do libro

Con motivo da celebración do Día do libro, estivemos na biblioteca cos nosos padriños e madriñas lectores desfrutando dun momento moi agradable.

 

Entrega de premios e festa da froita

 Despois de moito tempo preparándonos por fin puidemos facer entrega dos premios do 1º Concurso de Cálculo!

Para celebralo tamén organizamos "A festa da Froita", foi moi divertido! 

Moitas grazas por participar!

SAÍDA AO MERCADO

 O alumnado de primeiro fixemos unha saída ao mercado na que puidemos coñecer diferentes tipos de peixes, verduras, froitas...

Contadas en segundo

En segundo tivemos un par de visitas moi especiais. Tivemos o privilexio de escoitar uns contos chulísimos por man da mamá de Eric e de Daniela.

Brasil

 A clase de segundo tivo unha visita moi especial, a mamá de Emanuela viu aprendernos cousas super interesantes de Brasil. Aprendemos moito!

Os países e os xornais

 A clase de segundo está investigando sobre os países do mundo e descubriu que no xornal podemos atopar moitas noticias de diferentes países.
Aquí vos deixamos algunhas fotos do traballo que fixeron: 

Día da Poesía

Onte, día 23 de marzo, celebramos no cole, xunto cos nosos padriños e madriñas lectoras de 6º de primaria, o día da poesía. Intercambiamos, entre as dúas claases, flores e poemas. Os de sexto recitáronnos poemas moi bonitos e agasallaronnos cunha flor. Nós tamén lles regalamos uns tulipáns feitos a man e recitámoslles un poema moi bonito ao coro. Un poema e unha flor... hai algo mellor para comezar ou rematar o día? Encántanos estar cos de sexto?

DÍA DA POESÍA

Hoxe celebramos no cole o día da poesía. Intercambiamos, cos nosos padriños e madriñas de 5º, flores e poemas. Foi un día xenial!

Educación vial na clase de E.F.

 Convertémonos en condutores por un día na aula de 2°.

Alemaña

 A clase de segundo tivo o pracer de recibir á familia de Amalia para seguir aprendendo sobre os países. Neste caso foi o turno de Alemaña.

Moitísimas grazas por todo!

Obradoiro de matemáticas para as familias

 

O MARTES AS FAMILIAS ANIMÁRONSE A PARTICIPAR NUN OBRADOIRO DE MATEMÁTICAS MANIPULATIVAS. EXPERIMENTAMOS CON REGRETAS E OUTROS RECURSOS QUE PERMITEN ENTENDER AS MATEMÁTICAS EMPREGANDO ALGORITMOS ABERTOS.

Día da árbore

O pasado martes, a clase de 2º de primaria saíu de excursión ata os montes de Meira, concretamente fomos ata a Torre de Meira para particiar das xornadas do día da árbore. 

Foi fantástico porque puidemos plantar diferentes árbores, mirar insectos e bechiños, coñecer aos axentes forestais que coidan da nosa contorna, empregar a mangueira dos Bombeiros forestais! e desfrutar da actuación de Peter Punk.

2° xogando ao xadrez

 Momentos de compartir… Os e as que sabemos ensinamos aos que non saben. Aprendemos a esperar, respetar…

ENTERRO DA XOUBIÑA

Grazas a ANPA pola súa dedicación e implicación un ano máis nesta celebración, facendo posible unha xornada chea de alegría e convivencia. Grazas tamén a todas as familias pola súa participación. Entre todos e todas conseguimos crear momentos especiais que fortalecen a nosa comunidade educativa.

Coplas de entroido

 Parabéns a todas e todos! Estupenda actuación!

Obradoiro de disfraces

 O pasado venres, fixemos un obradoiro de disfraces na biblioteca. Un éxito total!

A clase de 2º propón un reto ao resto de aulas...

 

Seredes capaces de dicirnos canto suma cada insecto dos que construímos?

Día da Paz

 O día 30 de Xaneiro é o Día da Paz. No cole fixemos unha actividade na que cada persoa, cunha peza de puzle ofrecía e pedía axuda con algo. A continuación, buscaban aquela persoa coa que encaixar a súa peza. O alumnado de 6º de primaria cantou unha canción conmemorativa deste día acompañados á guitarra polo profe Txelu.

Foi moi emotivo.

As mates para crear insectos

 Na clase de 2° estamos a aprender sobre insectos. As regletas e as matemáticas son quen de axudarnos nesta aprendizaxe. Mirade!

A horta de 1º

Mirade que pementos, cenorias e tomates fixeron as nenas e nenos de 1º para decorar o cole.

Apadriñamento lector

  O alumnado de 6º de Primaria participou nos apadriñamentos lectores cos compañeiros de 2º de Primaria. Nesta actividade, os maiores contan historias, axudan a ler e comparten tempo cos máis pequenos.

Os de 2º gozan das historias e os de 6º aprenden a motivar e apoiar aos compañeiros. É unha forma divertida de aprender, compartir e facer novas amizades a través da lectura.