Samaín

O alumnado de primeiro celebra o samaín póndolle nome  as cabaza que prepararon.

A clase de 1º en Quintela

ESTES SOMOS NÓS 1º

View more presentations or Upload your own.

Así somos os de 2º

Así somos nós os de 2º

View more presentations or Upload your own.

A noticia!!

Na aula de 2º estamos aprendendo como se elabora unha noticia. Entre todos fixemos unha.

"UN PRÍNCIPE DOUTRO PLANETA"

Onte chegou un príncipe á cidade.

Era un neno extraño, de pelo loiro e mirada bonita e melancólica.

Ao mirar o noso planeta dixo:

-" Este planeta é inmenso, precioso e cheo de nenos para xogar."

(Traballo plástico realizado por Daniela)

Contos de vento e de nunca acabar

O luns 8 de marzo a clase de 2º rematamos de ler un libro de poesías que se titula

" Contos de vento e de nunca acabar" de Antón Cortizas.

Gustounos moito porque tiña poesías divertidas e que rimaban moito. (Debuxo de Alvaro)

Un conto de Entroido

Había unha vez uns nenos que fixeron un disfraz para o Entroido e decidiron disfrazarse de pallasos.

De súpeto, en mitade da festa apareceu un crocodilo e os nenos asustáronse.

Entón decidiron facerse amigos.

Ao final ensinaron ao crocodilo a facer malabares coa cola.

E colorín, colorado
Este conto está rematado.

(Autores: alumnos de 2º. Ilustración: María)

Xoga cos números

Xoga cos números perdidos. Imos empezar coas sumas.
Preme na imaxe, e dalle á pantalla grande, para traballar mellor.

Papá Noel

Hoxe foi un día moi especial.
Primeiro tomamos chocolate con churros, e logo veu Papá Noel.
Trouxo un xogo e un libro para cada clase.
Aquí está na clase de primeiro.

E aquí está na clase de segundo:

Ultima hora

A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, día 16 de Setembro.

A medida tómase en base á predición da Axencia Estatal de Metereoloxía dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia a partir das 00,00 do mércores 16 de Decembro.

Poesía de outono

Ola familias,

aquí estamos de novo cunha poesía que inventamos.

É sobre o outono que pronto rematará.

Esperamos que vos guste!!

-----------------------------------------------------------------------------------------------

-----------------------------------------------------------------------------------------------

Verde...

a folla da primavera verde,

a come o verme.

Vermella...

a folla vermella,

fai a súa cama a ovella.

Amarela...

a folla amarela,

a nena xoga con ela.

Marrón...

a folla de outono marrón

é da cor do turrón.

Chove moito, chove moito.

Choven follas, choven castañas,

choven cabazas, paraugas.

Chove moito, chove moito.

Choven gatos, choven cans,

choven árbores e bastóns de gominola.

Chove moito, chove moito.

Choven churros con chocolate quente,

choven pelotas,

choven orellas de galleta e ollos que te miran.

Chove moito, chove moito.

Choven asubíos

e choven historias e contos viaxeiros,

choven nenos e nenas.

Chove moito, chove moito.

Rosa Caramelo

Vemos esta Webquest para traballar sobre o libro "Rosa Caramelo" .Primeiro debedes ler o conto, e logo...a traballar!!!

Boa letra

Imos a practicar a caligrafía:
Clica no debuxo e pinta no encerado. Procura facer boa letra!!

Carta de Paco

Hoxe recibimos carta de Paco. Quere que lle axudemos. Faínos unhas preguntas un pouco difíciles, pero os profes vannos axudar.

Os nenos e nenas de primeiro temos que buscar que é un TELESCOPIO, e despois debuxar un moi bonito e moi grande.

Aos nenos e nenas de segundo tócalles debuxar o SISTEMA SOLAR.

Todas as clases teñen que facer algo, e logo imos xuntar o traballo de todos e así imos aprender uns dos outros.

Repasamos o aprendido

Xoga e le. Pulsa a imaxe:

(Vía Ceip Manuel Fraga-Cariño)

As normas da clase de segundo

........................................................................

O corpo humano

Como estamos aprendendo cousas do corpo humano, imos xogar. Preme na imaxe e xoga:

Lemos un conto?

Queres saber que está a ler Paco? Pon o rato enriba, e verás,...

Pronto estaremos con vós

Somos moitos e moi pequenos.
Estamos empezando o curso, pero pronto estaremos con vós, para contarvos as nosas cousas escola.