Fai unha foto cos Reis Magos

Queres facer unha foto cos Reis Magos? Solo tes que escoller o lugar, e responder as preguntas...

Visto en Casa de tol@s

Felicitación navideña da clase de primeiro

Os de primeiro vos desexan

View more presentations from bibliotecadocole.

Buguinas

Camiño de escuma, xardín de coral, murallas de area, brillante ventás, BUGUINAS os timbres...       

 ¿Quen quere chamar ?  ( Ana M. Fernández ).    

Escoitade ás buguinas. Teñen moitas cousas que contarvos.........

A poesía do mes de Novembro

Este mes na clase de primeiro escollemos a nosa poesía favorita. : "O rato e a lúa" de Antonio García Teijeiro.
O poema aprenderonno na casa, coas súas familias. Xa sabedes que os poemas en familia soan mellor. Aqui tedes o recado para as familias.
A vindeira semana iremos recitalo a outras clases.

UN RATO DÍXOLLE Á LÚA:

-“NUNCA REPARAS EN MIN,

POR ISO VIVO NA RÚA

METIDO NUN CALCETÍN.”

 

ELA FITOUNO ABRAIADA.

DÉRONLLE GANAS DE RIR.

DAQUELA APAGOU A LÁMPADA

E DISPÚXOSE A DURMIR.

POLO DESPREZO DA LÚA

O RATIÑO, ALPORIZADO,

BERROULLE CON MOITA FORZA:

-“XA NON ESTOU NAMORADO!”

 “Lueiro de papel”. Antonio García Teijeiro.”

O libro do mes de Novembro

Os nenos e nenas de primeiro escolleron o libro do mes de Novembro.
Elixen entre os libros que lles len as profesoras.
Nesta ocasión, a elección foi moi reñida.
Os finalistas foron "Sacapenas" e "Crictor".
o Sacapenas deunos pé para debuxar moitos Sacapenas, e mesmo facer algún. Ademais, foron contándolles as súas preocupacións, que son moitas.
Pero saiu gañador "Crictor" de Tomi Ungerer, editado por Kalandraka. A historia da serpe resultoulles moi atractiva, pero aprender a pronunciar en francés "Madame Louise Bodot" foi todo un reto. Mesmo todos aprendemos a decir "Madame" e "Monsieur" con un fabuloso acento francés.

Outono en Rialdarca

Nestes dias demos un paseo por Rialdarca.Vimos as hortas e os campos vestidos de outono,  visitamos o lavadeiro e o muiño e de paso recollemos follas para adornar as nosas aulas.

Día de acción de grazas con Eric

Eric ( o noso auxiliar de conversa) explicounos que o cuarto xoves de novembro celébrase o Día de Acción de Grazas no seu país, Estados Unidos.

Díxonos que hai moito tempo, cando os europeos chegaron a América (colonos), era inverno e pasaron moita fame. Entón os indios Wampanoag, lles proporcionaron alimentos como pavo, millo, e pombiñas de millo.

Cando os colonos tiveron a súa primeira colleita, decidiron compartir os seus alimentos cos indios, para agradecerlles a sua axuda.

O día de Accion de Grazas (Thanksgiving) e para lembrar esa data. Xuntase a familia e os amigos, e comen pavo.

Despois ensinounos a facer un pavo coa silueta da man, e xuntos aprendemos a decir "Feliz Día de Acción de Grazas" "pavo" e outras palabras. 

O magosto en Quintela

O mes de novembro é o mes de S. Martiño e coma todos os anos "Polo S. Martiño, trompos ó camiño" e magosto no cole:

Debuxando con castañas

View more presentations from bibliotecadocole

Samain

 As cabazas están moi contentas porque poden disfrazarse, visitar o colexio de Quintela e  dende os corredores ver como os nenos e as nenas admiran os seus traxes e peiteados.Despois cando voltan as súas casas alumean pola noite e despídense ata o ano que ven....

• 
  
  

A castaña que rebentou de risa

Que contentos estamos!!!

Este é o comentario que nos escribiu Darabuc, porque a profe contoulle que escollimos o seu conto "Sopa de nada" Conto do mes de Outubro

Chegou o outono

outono

View more presentations or Upload your own.

O conto do mes, a poesía do mes

Os nenos e nenas de 1º de Primaria escolleron a mellor poesía do mes de outubro, e o mellor conto do mes. 
Para elixir o conto, fixemos unha votación.

O samaín

Xogo sobre o outono

Metidos de cheo no outono, desde o CEIP Frián de Teis chéganos este xogo LIM:

RADIOGRAFIAS

Que ben vemos os ósos coas radiografías ! .Como en 2º curso estamos aprendendo os nomes dos ósos

descubrimos que con esta técnica podemos ver todo o noso corpo como si estivera fotografiado por dentro.

Aquí nos vedes na clase de anatomía.

Xogo de Samaín

No CEIP A Pedra de Bueu fixeron este xogo do Samaín. A que é chulo? Entrade nel para xogar

No blog do noso cole están as fotos das cabazas que fixestes.

que é o Samaín?

Samaín

View more presentations from bibliotecadocole

Canta con Mamá Cabra

Era noite de trebón

nun vello e mouro castelo,

a auga caía a chuzos

e os lóstregos a miles.

Oes dentro un barullo

de alaridos e lamentos,

era noite de trebón

nun vello e mouro castelo.

Bule, bule, bule, bule,

bailan, bailan os espectros,

bailan, bailan esqueletes,

sapos, monstros e morcegos.

Bailan, bailan as pantasmas,

monstros, bruxas e curuxas.

Bule, bule que aínda é cedo

e hoxe toca pasar medo.

Bule, bule, bule, bule,

bailan, bailan os espectros,

bailan, bailan esqueletes,

sapos, monstros e morcegos.

Bailan, bailan as pantasmas,

monstros, bruxas e curuxas.

Bule, bule que aínda é cedo

e hoxe toca pasar medo

Como estamos no Samaín, imos ver o conto de "Corre corre Cabaciña" que tanto nos gusta.