O alumnado de 1º e 2º estivemos traballando os circuitos eléctricos en papel con leds aproveitando o mes do libro.
Fixemos un circuito cun led, cobre e unha batería. A continuación debuxamos un personaxe ou algunha escena do noso libro favorito.
Quedaron moi chulos!
Este mércores, os nenos e nenas de 4º, 5º e 6º de Infantil e 1º e 2º de Primaria fomos ó auditorio do Centro cultural Daniel Castelao e gozamos cos "Contos a pé da rúa" de Caxoto. Esta actividade é unha máis das organizadas para celebrar O día do Libro.
Os nenos e nenas de 1º e 2º estivemos plantando na horta unhas leitugas. Con moito coidado fixemos un buratiño, botamos abono e con moitisimo agarimo, plantámolas. E despois, coa regadeira, a regar!
Na clase de 2º iniciamos un novo recanto: costura!
Cosemos sobre cartón. É un xeito moi chulo de reutilizalos. Nestes cartóns, as profes, fan diferentes debuxos e perfóranos para que nós o teñamos máis doado. Logo,podemos animarnos a decoralos máis, ben con máis fíos ou ben con rotus. A costura pode servirnos para desenvolver a nosa creatividade, para mellorar a nosa motricidade e, por suposto, relaxarnos e gozar!
En 1º e 2º, estivemos traballando moito na horta. Quitamos as herbas e removemos a terra, porque na vindeira semana, plantaremos
Hoxe, as nenas e nenos de 1° xogamos nos distintos recantos da biblio. Tiñamos moitas ganas de explorar e aprender co material que alí hai.
Pasámolo xenial!
Na clase de música, celebraron tamén o mes da poesía, cantando un poema de María Victoria Moreno, con música de Susa Herrera.
OS SOLPORES
Os
solpores teñen ollos
negros,
grises e vermellos,
que
aloumiñan as mociñas,
os
rapaces e os máis vellos.
Lalai
lalailai, lalai lalala…
Os
solpores teñen ollos,
misteriosos,
mentireiros,
que
deitan o seu rubor
encol
dos soños baleiros.
Lalai
lalailai, lalai lalala…
Os
solpores teñen ollos,
solermiños,
rebuldeiros,
que
danzan coa paisaxe
nos
veráns e nos invernos.
Lalai
lalailai, lalai lalala…
Os
solpores teñen ollos
inspirando
mil historias
que
acontecen nas aldeas,
nas
montañas e nas costas.
Lalai lalailai, lalai lalala…
Que divertido traballar cos xeoplanos formando figuras xeométricas con gomas. Traballamos os vértices, os lados en común...
Estivemos moi entretidos e aprendemos un montón!
Hoxe estivemos plantando árbores autóctonas no monte de Domaio. Foi unha actividade realizada coa Comunidade De Montes de Domaio, en colaboración co Concello, dentro del programa Aprende Moaña
O mércores, visitamos o Museo do Mar. Puidemos coñecer moitos animais mariños. Vimos o acuario, e mesmo o esquelete dun cachalote! E aínda quedou un tempiño para xogar na praia.
Na aula de primeiro estivemos coloreando elementos relacionados cos vikingos, cargámolos na aplicación Augmented Class e, ao enfocalos coa tablet, pois fomos quen de velo en realidade aumentada!
Hoxe as nenas e nenos de sexto e segundo compartimos a hora de ler na biblioteca coa actividade amigos/as lectores/as. Nesta sesión a dinámica mudou un pouco e fomos os pequenos os que lles contamos aos maiores.
Que divertido traballar a linguaxe de programación e o pensamento computacional cos rato robot e os Escornabot.
Na clase de 2º estamos a traballar a linguaxe de programación e o pensamento computacional empregando diverso material como son as Osmo Coding, os ratos robot e os Escornabots.
Moito nos gusta traballar con eles!
O alumnado de 2º descubriu o funcionamento dun chatbot, xa que nos axudou a descubrir a identidade dunha artista moi coñecida. Logo de averiguar que se trataba de Frida Kahlo, visitamos o seu museo de xeito virtual, no que buscamos os cadros e prendas de roupa que tiñamos na ficha para devolverlles a súa cor.
Gustounos moito!
Os nenos e nenas coñeceron a aplicación QuiverMask. Pintaron as súas máscaras, pegáronnas na pizarra e, ao enfocalas coa tableta e colocarse diante delas, a máscara aparecía nas súas cabezas!
Novo mes e novo reto de Inglés. Xa que o mes e o trimestre acaba coas vacacións de Semana Santa e Pascua, o reto é seguir esta manualidade paso por paso, ou step by step, para facer Easter Bunnies (Coelliños de Pascua). Cando estén listos, pedímosvos que os traiades ao cole para decorar as aulas. Grazas unha vez máis pola vosa colaboración! Happy Easter!
.jpg)
.jpg)
.jpg)
.jpg)
.jpg)
.jpg)
.jpg)
.jpg)
O reto de Inglés do mes pasado foi facer 'Carnival Crepes', ou o que é o mesmo, 'Filloas de Entroido'. Para iso, tiveron que seguir unha receita publicada no blog. Os nosos reposteiros e reposteiras do cole puxéronse mans á obra, e coa axuda da familia, fixeron estas delicias. Well done everyone!
Aquí tedes o link da receita por se queredes facela ou repetila. Dixéronme que estaban boísimas!
