Os ratos robot na aula de 1°

 Como nos gusta aprender xogando cos ratos robot. Traballamos as sumas en mate e a asociación de palabras con imaxes en lingua empregando estes ratos tan simpáticos.

Samaín en 1º

 Estas son as nosas cabazas de Samaín! Dan moooooito medo!

Superpoderes, Concerto da Escola de Música

A Escola de Música de Moaña ofreceunos un marabilloso concerto para poñer en valor os poderes que cada un temos en nós. Coñecemos os instrumentos musicais e gozamos coa música destes fenomenais intérpretes.

Estes somos nós

 Chegamos a Primaria cargados de soños, iniciando unha nova etapa importante na nosa escolaridade. Neste vídeo a clase das Formigas, de 1º de Primaria preséntase cos seus desexos e soños.

 

Matemáticas, lingua e ciencias con Scratch Junior en 2º

 Os nenos e nenas de 2º estivemos aprendendo en ciencias sobre os gatos. Aplicamos o que investigamos creando unhas escenas no programa Scratch Junior, nas que creamos diálogos co contido traballado.

Fixémolo en pequenos grupos, uns traballabamos matemáticas cunha ficha de conteo e outros coas tabletas.

Andaina de outono

Este é o vídeo da andaina xunto ao río Rialdarca. Tamén fomos á Xunqueira e xogamos no parque. Aproveitamos e aprendemos algunha cousiña: recoñecemos árbores e algunhas plantas silvestres e diferenciamos especies autóctonas de invasoras. E, sobre todo, pasamos un tempiño agradable xuntos. Así da gusto comezar o curso e recibir o outono!   

Gozamos no recuncho Maker da biblio

 Cómo nos gusta este espazo da biblio. Os nenos e nenas de 2° tiñamos moitas ganas de usar as Osmo, os xogos de construción e algúns dos xogos de mesa que temos alí.

 

Xogos cooperativos en E.F.

 

Este curso, iniciamos as clases de E.F. dun xeito moi divertido e que nos gusta moito a todas e todos... xogando co paracaídas. Fixemos unha morea de xogos, cada cal máis divertido. Pasámolo moi ben!

Comezamos 2º

 Con moita ilusión comezamos un novo curso, por fin estamos en segundo, estamos no piso de arriba!

Para festexar este fermoso día, lemos "Que bonito é panama" unha fermosa historia que nos fixo sorir e desfrutar.

Comezamos Primaria

O grupo de primeiro comezou a súa andaina por Primaria.

 Comezamos contando un conto, Onde estás Caracol?. Unha historia sobre a amizade, de Susanna Isern e Leire Salaberria.

Contaremos moitos contos, para acercarnos á lectura e a escritura, e para encher de imaxes as nosas conversas. 

Visitamos a exposición do mar

Canto aprendemos no cole! Unha exposición moi interesante sobre o mar.

 

Festival Letras Galegas

1º de primaria: "Piratas"

2º de primaria: "Todo é un conto"

As familias contan en 2º de Primaria

 Onte acompañounos Inma, mamá de Inés e Ana. Leunos o conto Las princesas también se tiran pedos, co que pasamos un rato moi divertido. Grazas por visitarnos un día máis!

As familias contan en 2º de Primaria

 O luns acompañounos Silvia, mamá de Dani, e xuntos léronnos o conto “Te quiero (casi siempre)”. Moitas grazas 😊

Saída á praza de abastos de Moaña.

 A semana pasada, a clase das orcas saíu do cole para visitar os diferentes postos da praza de abastos de Moaña. Velaquí un breve resumo:

Os recantos da biblio

Como nos gusta desfrutar dos recantos da biblio na aula de 2º!

As familias contan en 2º

 O mércores tivemos unha visita moi especial con doble conto. Os pais de Chloe deleitáronnos os sentidos coas historias Una cena monstruosa e Un regalo monstruoso. Grazas familia pola vosa colaboración!

As familias contan en 2º de Primaria

Hoxe tivemos na clase de segundo a Eduardo, pai de Iohanna, para lernos un conto e coñecer a historia do Xigante egoísta.

 Grazas, Eduardo!

As familias contan en 2º de Primaria

  Hoxe tivemos na clase de segundo a Jeni, mamá de Dani, para lernos un conto e coñecer a historia de Monstro Azul. Grazas, Jeni! 

Circuitos eléctricos en papel na aula de 1° e 2°

 

O alumnado de 1º e 2º estivemos traballando os circuitos eléctricos en papel con leds aproveitando o mes do libro.

Fixemos un circuito cun led, cobre e unha batería. A continuación debuxamos un personaxe ou algunha escena do noso libro favorito.

Quedaron moi chulos!