Saúdo da clase de 2º

 

Ola, como estades?

Somos a clase de 2º, a clase dos Koalas.

Este curso estamos na planta de arriba e vemos a ría coas bateas.

Este ano queremos aprender cousas novas.

Adeus !

Saída á praia de Liméns

 Para rematar o curso, gozar do bo tempo o alumnado de primeiro curso, xunto co de primeiro, fixo unha saída á praia de Liméns.

Aprendemos a gozar da natureza, fixemos deporte e demostramos que cada día somos máis conscientes e capaces de coidar a natureza pois estivemos moi atentos e atentas a todo o lixo que había (e recollémolo!).

Velaquí un pequeno vídeo resumo da xornada:

Remate do curso

 Os nenos e as nenas de segundo curso quixeron facer un último programa antes de marchar de vacacións e contarnos un pouquiño que cousas foron as que máis lles gustaron deste curso escolar e cales lles gustaron menos. 

Podedes escoitalos aquí:

Chegan as vacacións

 Hoxe é o noso último día de clase. 

O próximo ano xa estaremos en 2º!

Medramos todas e todos unha chea. Traballamos moito e aprendimos a convivir. Foi un ano moi bonito a pesar das dificultades.

Aínda que a chuvia non nos deixou facer a nosa última convivencia, pasámolo moi ben na anterior saída á praia de Liméns

Agora teremos tempo de tomar o sol, durmir, facer excursións, bañarnos, estar coas amigas e amigos, coa familia, xogar ás cabañas, mirar as estrelas ata tarde...e mil cousas máis

Non debemos esquecer que para poder disfrutar da natureza debemos coidala.

Felices vacacións!!

Agora contamos nós

Velaquí outra remesa de contos para os compañeiros e compañeiras.

Moitísimas grazas por todo o que nos fixéchedes desfrutar!

Agora contamos nós!

 Os nenos e as nenas de segundo seguen demostrando o moito que practicaron e o ben que len. Desta vez recitaron poesías e leron contos.

COIDAMOS A HORTA EN 2º

 A pesar de que xa recollemos as leitugas, os nenos e nenas de 2º baixamos a quitar malas herbas e tamén a regar as poucas leitugas que quedaron para que medren fermosas.

Recollemos as leitugas

 Esta semana, o alumnado de primeiro e segundo de primaria, recolleu as súas leitugas. Algunhas eran rizadas e outras lisas, unhas verdes e outras moradas, pero todas tiñan moi boa pinta.

Agora contamos nós

 O alumnado de segundo está dando o remate final a este ano tan fantástico escollendo e léndolle un conto aos seus compañeiros e compañeiras, unha marabilla!

Diego toca a trompa na clase de 1º

 Hoxe o noso profe Diego ensinounos como é e como sona a trompa. 

Puidemos escoitalo tocar.

Grazas profe, que chulo!

As familias contan

 O venres tivemos unha visita moi especial, por unha banda porque nos encanta que nos conten contos, e por outra banda porque levaba moito tempo adiada.

Fran, o papá de Óscar, veu ao cole lernos Big Hero 6, unha historia cargada de valores e cunha trama complexa.

DIGICRAFT NO TEU COLE. XOGO DO MEMORY EN 1° E 2°

 Nesta sesión, os nenos e nenas pintaron unhas cartas, recortáronnas e xogamos ao xogo do memory con elas. Puxémolas todas cara abaixo e tiñan que levantar unha, poñela na pantalla, capturar a imaxe, levantar outra carta, poñela na pantalla e capturar a imaxe. O programa nos dicía si eran iguais ou non.

Estivo moi entretido.

DIGICRAFT NO TEU COLE. TRADUTOR E SCRATCH EN 1° E 2°

 

Os nenos e nenas traballaron co tradutor de google para pasar ao castelán as persoaxes dun conto que aparecían escritas noutros idiomas. Logo diso, debuxaron co Scratch as persoaxes do conto na tablet e logo reproduciron dito conto cos seus debuxos.

Quedaron encantados!

FESTIVAL LETRAS GALEGAS

 Aquí deixamos as actuacións dos nenos e nenas de 1º e 2º de primaria.

1º PRIMARIA: CANCIÓN "CANTO SEI"

2º PRIMARIA: CONTO "A QUE SABE A LÚA"

O coidado da horta

Xa fai algunhas semanas que baixamos á horta plantar as nosas leitugas e as nosas espinacas. Hoxe fomos ver que tal crecían e aproveitamos para limpar a terra das herbas indesexabels.

Lagos e desertos

 Os menos e as nenas de segundo estiveron investigando, a petición de Paco, sobre os lagos e os desertos de cada continente. 

As familias contan

 Outro papá que se suma á iniciativa de visitar as aulas para compartir unha lectura foi Sándor, o papá de Nahara, que nos leu Adivina cuanto te quiero.

Tamén o unha canción porque todos sabemos que as cancións son poesía con mùsica.

Moitísimas grazas pola túa visita!

As familias contan

 Para variar, desta vez foi un avó o que visitou a nosa aula.

A lectura escollida foi O pequeno Hiawatha.

Moitísimas grazas por vir a compartir este conto con nós!

DIGICRAFT NO TEU COLE. AISTENTE DE GOOGLE E CÓDIGOS QR EN 1° E 2°

 

Os nenos e nenas de 1º e 2º estivemos investigando sobre a identidade dunha pintora famosa nada en México e que foi unha gran defensora dos dereitos da muller. O asistente de Google axudounos na tarefa e logo de descubrir de quen se trataba (Frida Kahlo), escaneamos un código QR e visitamos o seu museo virtualmente.

Gustounos moito!

As familias contan en 1º

 As nosas  contacontos:

Raquel, a mamá de Ana

              

              Susana, a mamá de Daniela

Alexandra, a mamá de Hugo e Noel

Raquel contou o conto "El abejoso"

É moi complicado ser un oso e resistirse a un rico panal de mel. Aínda así é máis importante a vida na escola das abellas e defendelas de maiores perigos.

Tamén contou o conto "Voy a comedte" a historia dun lobito, tan feroz, que termina facéndose vexetariano,

Susana contou o conto "A bella na botella" que fala do malo que é non ser unha persoa agradecida e querer sempre máis e máis.

E "La montaña de libros más alta del mundo" Un neno soñaba con voar e que mellor maneira de facelo que abrindo as páxinas dun libro! A súa nai animouno a facelo e xa non foi quen de parar.

Alexandra descubriunos a auténtica historia do "Ratiño Pérez" Por que se leva os nosos dentes?

E tamén "El otoño del árbol cascarrabias" Pobre árbore, soa na metade dunha ruidosa cidade onde antes había unha fermosa arboreda. Pero a esperanza é o último que debe perderse pois sempre hai alguén para quen eres importante .