Primeiro ciclo en Quintela

23 de abr. de 2010

Mulleres e ciencia

Hoxe recibimos carta de Paco
Queridos nenos e nenas:
Gustame moito a exposición de mulleres científicas que temos no cole.
Pero teño curiosidade por saber unha cousa:

Para primeiro:

Que inventou Bette Nesmith Graham?

Para segundo:

Que inventou Beulah Henry?

Cando o saibades, podedes facerme un cartel deses bonitos que sabedes facer vós ?.
E que quero presumir diante dos meus amigos do ben que traballades e investigades!!!
Este curso estamos traballando moito.
Por eso teño gardado un agasallo para toooooooodos vós.
Espero que vos guste!!!

Entrade na páxina de recursos para investigar:

22 de abr. de 2010

A noticia!!

Na aula de 2º estamos aprendendo como se elabora unha noticia. Entre todos fixemos unha.

"UN PRÍNCIPE DOUTRO PLANETA"

Onte chegou un príncipe á cidade.

Era un neno extraño, de pelo loiro e mirada bonita e melancólica.

Ao mirar o noso planeta dixo:

-" Este planeta é inmenso, precioso e cheo de nenos para xogar."

(Traballo plástico realizado por Daniela)

26 de mar. de 2010

Contos de vento e de nunca acabar

O luns 8 de marzo a clase de 2º rematamos de ler un libro de poesías que se titula

" Contos de vento e de nunca acabar" de Antón Cortizas.

Gustounos moito porque tiña poesías divertidas e que rimaban moito. (Debuxo de Alvaro)

11 de mar. de 2010

SENTADOS Á MESA

As nenas e nenos de PRIMEIRO, ao rematar de traballar co tema da alimentación, compartiron un pequeno menú elaborado con productos naturais, saborosos e nutririvos (patacas, ovos caseiros, tenreira, tomates, aceite de oliva e laranxas)

Esta actividade programouse para poñer en práctica a autonomía e iniciativa personal dos nenos, aprendendo a colocar, usar e recoller os útiles necesarios para o consumo dos alimentos, sen esquecer a hixiene.

A tortilla, os filetitos, o tomate e as laranxas resultaron apetitosos para case todos.

9 de mar. de 2010

A ARAÑA PIRULETA

Había unha vez unha araña que se chamaba Piruleta e sempre estaba moi leda.

Un día foi a casa da súa amiga Carolina que sempre estaba triste.

De súpeto, Piruleta tivo unha idea, ía facer rir a Carolina.

Entón Piruleta comenzou a facerlle cochegas e a contar chistes.

Carolina pasábao pipa e ría a gargalladas e sen parar.

Ao final celebrárono cunha tarta de moscas con chocolate e xogando xuntas.

E colorete, colorín

este conto marchou nun chimpín. (Autores: clase de 2º Ilustración: Ainhoa)

2 de mar. de 2010

O ESQUIMÓ E O OSO

Había unha vez un esquimó que vivía nun iglú tan pequeno, tan pequeno, que tivo que marchar e decidiu irse a Alaska.

De camiño a Alaska atopouse cun oso polar branco que tamén ía de camiño a Alaska.

De súpeto, ao oso entroulle a fame e mirou ao esquimó con ollos golosos.

Pero como o esquimó era moi intelixente tivo unha idea:

- Se non me comes, candon cheguemos a Alaska montarei unha pescadería e poderás comer todo o peixe que queiras.

Ao final o oso non comeu ao esquimó.

E colorín, colorado,

este conto está rematado. (autores: alumnado 2º Ilustración: Yoel)

26 de feb. de 2010

EL CASTILLO DE ZAMPACHICHA MIAUMIAU

26/02/10

Onte rematamos de ler un libro de Gerónimo Stilton.

Era de fantasmas, momias, bruxas e vampiros que estaban no castelo de Zampachicha Miaumiau.

Gerónimo Stilton tiña moito medo e dicía seguido que quería estar na súa casa.

Ao final... se ledes o libro, saberedes o que pasou.

A nós gustounos moito

19 de feb. de 2010

Un conto de Entroido

Había unha vez uns nenos que fixeron un disfraz para o Entroido e decidiron disfrazarse de pallasos.

De súpeto, en mitade da festa apareceu un crocodilo e os nenos asustáronse.

Entón decidiron facerse amigos.

Ao final ensinaron ao crocodilo a facer malabares coa cola.

E colorín, colorado
Este conto está rematado.

(Autores: alumnos de 2º. Ilustración: María)

25 de xan. de 2010

Xa rematamos o libro

Os de segundo xa rematamos de ler "Lecturas para dormir a una princesa"

18 de xan. de 2010

Xoga cos números

Xoga cos números perdidos. Imos empezar coas sumas.
Preme na imaxe, e dalle á pantalla grande, para traballar mellor.

22 de dec. de 2009

Papá Noel

Hoxe foi un día moi especial.
Primeiro tomamos chocolate con churros, e logo veu Papá Noel.
Trouxo un xogo e un libro para cada clase.
Aquí está na clase de primeiro.

E aquí está na clase de segundo:

15 de dec. de 2009

Ultima hora

A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, día 16 de Setembro.

A medida tómase en base á predición da Axencia Estatal de Metereoloxía dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia a partir das 00,00 do mércores 16 de Decembro.